啥叫沟通

人跟人之间个相处，最宝贵个是真诚、信任和尊重，而迭个一切个桥梁就是沟通。

啥个是沟通？沟通是有了误会及时说明，有了意见直接提出，有了矛盾互相认错。

为啥要沟通？呒没沟通，人和人之间就有了隔阂，心和心之间就有了距离。两个人之间，呒没沟通就呒没延续，呒没联系就呒没感情。

如果一个勿问，一个勿讲，再熟悉个人，啊会一眼眼失去共同语言，再深个感情，啊会一眼眼寻勿到支点。连倾诉和倾听个欲望侪呒没了，搿段感情啊就差勿多走到了头。

两个人个沟通，70%是情绪，30%是内容。情绪勿对，内容就会扭曲。呒没良好个情绪，心里闲话就讲勿出来，真心闲话就听勿进去。

讲闲话阴阳怪气，让人误以为是挑衅。脾气一触即发，把沟通变成了吵相骂。要沟通，就诚心实意。平和个情绪，诚恳个语气。

治得了侬脾气个，是侬欢喜个人；受得了侬脾气个，是欢喜侬个人。控制得了情绪，侬就是主动个人；拨情绪所控制，侬就注定是被动。

有辰光，生活就是一种妥协，一种忍让，一种迁就。并非所有个事体，侪适宜针锋相对，铿锵有力。

强硬有强硬个好处，忍让有忍让个优势。妥协勿一定全是软弱，忍让勿一定就是无能。

学会跟人沟通，学会控制脾气，学会调整情绪，千万勿要对最欢喜侬个人发火，千万勿要让侬最欢喜个人伤心。