天河广园高速路
黑点1：广园快速路大观路桥底双向
违章原因：（测速、限速80公里）
黑点分析：呢度中招嘅机会都几大嘅，好多论坛都有车主吐槽。因为呢个测速点位于广园快速路较为郊区嘅路段，车流相对较少，一唔小心就会开快车。而且摄像头比较隐蔽，藏于大观路桥底出口位置，开车嘅时候会比较难发现。其实到达呢个点之前路上都有好多测速提示，只要留心就唔会中招嘅喇！
黑点2：广园快速路农科院路段双向
违章原因：（测速、限速80公里）
黑点分析：呢段路从60公里变成80公里，好多车主唔适应就懒嘢嘅喇。东往西，前一段跨桥线限速60公里，然后到左呢段即刻翻到80公里，加速冇几耐就到测速点，加埋拍摄嘅提示相对较少，车辆加速过头就会吃牛肉干。西往东，拍摄点比较隐蔽，车流比较少，提示比较少，容易超速。
黑点3：广园快速路天寿路路段双向
违章原因：（违法变线）
黑点分析：东往西，唔少东莞等外地行广园快速路嘅车辆唔熟悉道路，错过天寿路出口硬切线就好容易被拍摄。建议各位差唔多要出去就提前变道做好准备。西往东，从天寿路转到广园路嘅车辆如果太快切线亦都好容易被拍摄嘅。
黑点4：广园快速瘦狗岭路路段西往东
违章原因：（违法变线）
黑点分析：唔少车主都会有类似嘅经历，从广园东上广园快速，如果唔喺下坡前走右侧往广州东站车道嘅话，下坡后是唔可以转入瘦狗岭路嘅，只可以直走，呢个时候如果切线，就会被拍摄。走错路嘅车主必须继续往前开约3公里掉头往回走先可以进入天寿路。
黑点5：广园快速黄村立交上桥位东往西
违章原因：（违法变线）
黑点分析：广园快速路东往西要转入黄村立交，因为同另外一条进入广园快速路嘅道路交汇，所以只有好一小段变线距离，再加上走喺广园快速路时候车速都较快，往往未睇清路牌之前就会错过出口。所以提醒各位车主，到左呢个位置记得提前减速，做好变线准备！
黄埔大道
黑点1：黄埔大道隧道双向
违章原因：（测试、限速60公里、压线）
黑点分析：黄埔大道隧道中段有一个较为隐蔽嘅测速同埋拍违法变线嘅摄像头，由于入左隧道时就喺下坡路，如果车唔多，好容易就会超速。另外，隧道内光线不足，出于安全考虑仲係唔好随便切线，车道之间均为实线，一切就影相。
黑点2：马场隧道出口华南快速上桥位
违章原因：（违法变线）
黑点分析：从马场路隧道出嚟会经过一段实线先可以变道，而华南快速上桥位又喺实线，所以可变道嘅距离非常短，加上车流量一般都比较大，切线变道增加会有一定难度，而且华南快速上桥位实线又唔喺好清，容易违章。
黑点3：黄埔大道转入天府路双向
违章原因：（违法变线）
黑点分析：黄埔大道单向都喺5车道，比较宽，如果冇提前做好变道准备，就会比较容易出现错过出口或者违章压线等问题，仲喺建议各位车主，差唔多到出口就提前做好准备喇。
黑点4：黄埔大道隧道出口东往西
违章原因：（违法变线）
黑点分析：呢个点经有车主话唔合理嘅喇，但喺小编相信是出于安全考虑。黄埔大道隧道内以及出左隧道之后都喺实线，出来后喺唔可以从最左侧车道变道到右侧车道，而最左侧道路只可以上内环，绕得会比较远，所以唔少车主会选择强行压线，咁就赖嘢喇。提醒各位车主，千奇唔好喺呢度变线。
科韵路
黑点1：科韵路中山大道隧道入口双向
违章原因：（测速、限速60公里）
黑点分析：这两个测速点设置在进入隧道前的一段路上，北往南方向会因为刚下坡而容易超速，南往北则会因为车流较少而容易超速，这个点是很灵光的，各位车主要分外注意。
黑点2：科韵路琶洲大桥上桥位北往南
违章原因：（违法变线）
黑点3：科韵路琶洲大桥下桥位南往北
违章原因：（测速、限速60公里）
黑点分析：琶洲大桥限速60公里，呢度都喺限速60公里，应该冇问题喇挂？紧喺唔喺喇，因为从琶洲大桥落桥，车速会因为下坡而加快，唔小心嘅话好容易超速。
黑点5：科韵路进入北环收费站前的路段南往北
违章原因：（测速、限速60公里）
黑点分析：去东莞嘅朋友唔知道喺唔喺太过急，搞到呢到成为一个容易吃牛肉干嘅点，主要喺因为呢段路真喺好少车，而且仲设置一般唔会设置摄像头嘅上坡路段，还比较隐蔽，尤其到晚上，就更加容易吃牛肉干喇。
大观路、临江大道
黑点1：大观路奥体中心路段双向
违章原因：（测速、限速60公里）
黑点分析：大观路单向有4车道，车流量超级小，真喺引诱人犯罪！喺呢到好多车主都不止罚一两百，而喺罚一千，依家超速50%直接扣12分嘅，车主们千奇要控制好油门！
黑点1：临江大道平江路段双向
违章原因：（测速、限速60公里）
黑点分析：由于黄埔大道车流量大，好多出入珠江新城嘅车主都会改选临江大道，此路段喺非上下班高峰时段车流量比较小，容易超速！
越秀东风东路
黑点1：东风东路梅东路口桥底双向
违章原因：（测速、限速60公里、压线）
黑点分析：东风东路梅东路口东往西方向测速摄像头比较隐蔽，而且测速过后紧接一段实线，躲过左测速之后一唔小心就会忽略实线，加上东风路分岔路口咁多，唔留神就压实线变道。而西往东方向摄像头虽然比较显眼，但往往就喺老司机自认熟悉路况就会吃牛肉干。
黑点2：东风东路侧梅东路桥底单侧禁停
违章原因：（交警抄牌）
黑点分析：梅东路紧接东风东路，虽然内环路高架桥底辅街，但车流量唔少嘅。桥墩间隙嘅空地被当成临时停车位，但喺只有一侧喺收费停车区可以停车，另一侧则定期有交警前来抄牌。各位车主注意喇！
黑点3：东风东路转农林下路路口
违章原因：（压实线）
黑点分析：东风东路转农林下路路口进入后私家车只可以掉头，只有公交车可以直行。虽然在入口处挂左警示牌，但往往当你睇清警示牌想要切线变道先发觉路面已经变成实线，呢个时候鲁莽切线后面有探头伺候。进入辅道违规直行嘅话，虽然话呢度无摄像头，但喺呢度经常有交警巡逻，各位注意。
黑点4：东风东路执信路口双向
违章原因：（测速、限速60公里、压实线）
黑点分析：呢度嘅摄像头设计与黑点1颇为相似，测速加实线嘅设计喺路况极好情况下容易另司机思想麻痹，睇到实线一唔注意越线结果忽略车速，好四车道宽阔无车嘅情况下，60公里/小时嘅速度超速话咁易。所以，大家喺东风东路睇到圆盘状天桥请注意减速。
黑点5：东风东路转先烈南路
违章原因：（压实线）
黑点分析：东风东路同先烈南路都属于越秀区主干道，二者交汇处常年拥挤。而车多拥挤嘅情况下，路面划线标识好难睇看清。唔熟路况嘅司机如果喺外道想要进入拐弯道，往往等到切入车流中先发现是喺线，所以过呢种路口应提前并道，耐心排队通过。
东风中路
黑点1：东风东路转先烈南路
违章原因：（压实线）
黑点分析：东濠涌高架喺越秀区重要嘅干道之一，从东风中路拐入车流量一直较大。但喺东风中路西往东方向上嘅东濠涌高架入口处需要格外注意。进入入口前，地面分道线好早就变成实线，经常会有大批车辆排队等候上高架。呢个时候如果盲目从外道超车企图插队就好容易被影相喇。
黑点2：东风东路正南路口
违章原因：（测速、限速60公里）
黑点分析：东风中路全段较平直，双向八车道设计喺越秀区中少见嘅空旷路段。车流稀少嘅非高峰期唔觉唔觉就会超速喇。而且沿路天桥较多，难以搞清究竟边个先喺测速点。建议喺东风中路行驶时通过天桥底要多加注意车速。
环市东路
黑点1：环市东路区庄地铁、动物园地铁站出口
违章原因：（测速、限速60公里）
黑点分析：虽然环市东全程限速60公里，但沿途风景不错，在车流稀少的时候良好的路况不知不觉便已提速到80以上。摄像头架设都比较隐蔽，隐藏在天桥植被中，不易被察觉。建议在进入区庄立交至天河立交段中时，全程保持60公里时速，遇过街天桥时留意车速。
黑点2：环市东路转天河立交
违章原因：（压实线）
黑点分析：环市东路转体育西路分岔路喺上天河立交，走错话要兜好远先可以翻来。而分岔路口实线较长，去体育中心方向车流量大，经常有公交车从辅道插入导致右侧车道行车缓慢。唔少心急嘅车主从左侧超车加速，结果一喺上左天河立交绕兜远路，一喺压实线被影相。
海珠广园高速路
黑点1：新港东路展馆路段
违章原因：（禁停、限速60公里）
黑点分析：喺新港东路行车最主要就喺要控制车速，因为呢段车比较少，车流行经比较顺畅。睇到测速标识出现时需要控制车速唔好超过60；仲有展馆附近喺唔可以停车嘅，长时间逗留可能会被抄牌要注意。
广州大道南
黑点1：广州大道南近南州路口
违章原因：（限速60公里）
黑点分析：从我们拍到的照片看，这里的探头数量较多，已经呈现出“一级战备”状态。而这一带处于广州大道南的近末端，车辆会有所减少，车流速度会提升。而恰恰这个点的监控提示标志又很小，在这里不下心超速的车友可谓是过一个，拍一个，不带漏的。
黑点2：广州大道南南州路口
违章原因：（压实线）
黑点分析：广州大道南南州路口采用立体交通设计，眼前纵横交错嘅立交桥，真喺会惊惊哋嘅。如果你对呢一带路况不熟而过多停留喺路牌指引上时，好容易忽略摄像头嘅存在。
荔湾荔湾区
黑点1：东风西路德坭高架
违章原因：（压实线）
黑点分析：德坭高架处于东风西路去往增槎路、内环路、环市路等主干道嘅必经之路，车流量大。虽然桥上右向左车道为封闭实线，自从摄像头启用后，德坭高架成为左荔湾区毫无争议第一违章热门黑点。
黑点2：龙溪大道蟠龙村路段
违章原因：（限速60公里）
黑点分析：喺广州超速违章记录统计中，龙溪大道五丫口大桥下桥处呢个位置违章数量绝对喺前三甲。测速探头设置在下桥处，车辆经过长下坡时速度的提升比在平路上行驶要快，加上三车道路况良好，司机一唔小心就会超速。大家落左五丫口大桥后留意一下车速。
黑点3：内环路广园西路入口
违章原因：（压实线）
黑点分析：呢个违章点最典型中招情况就喺司机从广园西路慢吞吞上内环路，一睇自己右侧车排住长龙，左侧两条车道空空如也，心急嘅司机将方向切线变道后先发现自己切实线，咁就俾摄像头影低左喇。
黑点4：内环路东风西路出口
违章原因：（压实线、限速60公里）
黑点分析：内环路东风西路出口实线喺岩岩过道路指示牌就开始，唔熟路况或者拥堵时段变道太晚，好容易错过路口。但喺强行切实线嘅话，前后两个压线摄像头绝对唔会让你侥幸逃脱嘅。所以远远睇到大路牌后尽快切入最右道。
黑点5： 环市西路西场立交桥上桥处
违章原因：（压实线）
黑点分析：首先呢个路口实线好值得商榷，喺分道指示牌前十几米处地面上已经变成了实线。咁就意味眼神唔喺咁好嘅司机岩岩睇清指示牌就到达实线位置，行错兜翻嚟又好远，只有冒险切实线。另外上桥车道车流量比转向东风路、增槎路要稀少好多，有滴不守规矩嘅朋友超到前头试图加塞，咁就只可以傻眼喇。
黑点6：芳村大道中近芳村地铁站
违章原因：（全线禁止停车）
黑点分析：芳村大道中靠近芳村地铁站路段沿途有几个地铁出入口，所以呢度停车等人或者送人过黎临时停车嘅车辆比较多。但岩好呢度喺全线禁止停车嘅，据当地车主亲身经历，有一次停车等人三分钟都被拍，所以众车主尝试需谨慎。
黑点7：芳村大道东近浣花路口
违章原因：（限速60公里、公交车专用道拍摄）
黑点分析：芳村大道东靠近浣花路呢个测速点好醒目，长长一直杆上架了一排摄像头，超速被影嘅几率唔大。主要是摄像头边有一个公交车专用道嘅借道区，从借道区转出来嘅车如果撞到车流多唔可以迅速切进外道就好容易被影。
黑点8：花地大道中芳村客运站段
违章原因：（全线禁止停车）
黑点分析：花地大道中有一段被夹喺坑口地铁站同芳村客运站之间，两大人流密集区凑喺一齐，要想唔塞死就只可以全线禁止停车。有些临时上下客嘅车辆都难逃被拍被罚嘅厄运。
黑点9：花地大道中坑口加油站前
违章原因：（限速60公里、公交车专用道拍摄）
黑点分析：由于呢排探头比较明显，但巧妙咁设置喺红绿灯之后。车少路况好嘅时候，有滴车辆抢一个绿灯车速会比正常行驶快唔少，但喺岩岩冲过红绿灯路口车速来没来得及降落来便遇到了测速摄像头。所以过红绿灯路口仲系减速慢行喇。
白云白云区
黑点1：白云湖石井大道路段
违章原因：“牛肉干”（违章停车）生产机器
黑点分析：白云湖很火爆，但喺比较远交通不便，每天往来嘅车辆有数百台，但只有一个唔到100个车位嘅停车场。如果你将车停喺白云湖石井大道路段，可能交警就已经抄左你牌喇。各位司机大佬，如果要白云湖玩嘅话，记得千奇唔好开车。
白云大道
黑点1：白云大道北广外对出高架上桥位
违章原因：（北往南、压线）
黑点分析：呢度经常有车插队、经常塞车，再加上实线好长，吃牛肉干可以话“易过食生菜”。建议大家仲喺乖乖排队喇。
黑点2：白云大道南体育馆路段
违章原因：（双向、测速、限速70km）
黑点分析：在广州，限速70km绝对是奇葩，往往正是这种奇葩的路段，就容易超速。因为这里非高峰时段还是可以开得比较快的，加上难得的限速70km，估计部分得意忘形的车主容易顾着加速而忘记了测速。
广园中路
黑点1：广园中路云台花园路段
违章原因：（双向、限速60km）
黑点分析：喺广园中差唔多到广园东位置有个天桥双向都喺有摄像头嘅，白天嘅时候几乎冇人在意呢个摄像头，基本都是70-80km开过去。但在网上睇到有车主系呢到吃过超速罚单，唔少仲喺超速50%以上，而且，诡异嘅是，一般都是夜间先有罚单，真喺搞唔请乜原因！总之，大家行呢段路记得唔好开太快！
黑点2：广园中路转机场路南行
违章原因：（压线）
黑点分析：由于广园中路转机场路南行会和机场路转广园路西行交汇，呢度几乎全天行车都缓慢，到左高峰时段就更加容易堵塞，一塞车就会有车主插队，插队自然就容易压线吃罚单，值得一提嘅喺，直行嘅车主快到机场路裹阵，记得靠左行驶，以免同右转嘅车辆造成拥堵。
黑点3：金沙洲大桥入口匝道
违章原因：（流动拍摄压线）
黑点分析：呢度两车道变一车道，所以一到繁忙时段就塞车，为左交通更有序，交警就会喺呢度实施监控。各位车主们嚟嘅呢头记得要注意文明有序驾驶。
黑点4：云城东路齐富路路口
违章原因：（闯红灯摄像头很猛）
黑点分析：唔知点解，云城东路齐富路路口呢个灯位有唔少人中招，我只能可以讲，呢度确实车少，但喺呢度嘅摄像头很劲！
番禺番禺区
黑点1：新光大桥北上桥段
违章原因：（限速80公里）
黑点分析：新光大桥北面嘅测速点喺北往南上桥方向被拍嘅几率唔大，毕竟上坡加上桥速度能超过80嘅车唔多。南往北方向上嘅落桥探头喺路牌后面，过往车辆唔容易发现，再加上下坡时车速提升较快，路况好嘅时候容易超速。
黑点2：龙美高架甘棠村路段
违章原因：（限速80公里）
黑点分析：番禺大道贯穿番禺全境的一条主干道，路况极佳，龙美高架段在夜间车流量较小，比较容易超速。呢度嘅摄像头比较醒目，但夜间行车容易忽略，高架上行驶时应多加小心。
黑点3：亚运大道前锋路口、海涌路口
违章原因：（限速80公里）
黑点分析：前锋路口东往西嘅测速探头虽然好醒目，但我们做实地调查嘅时候由于是阴天几乎睇唔到测速点前嘅摄像头，再加上开阔嘅道路车流稀少，司机一走神就会中招。
黑点4：大学城外环测速
违章原因：（内环范围内切勿违章停车）
黑点分析：大学城外环路上嘅测速点好醒目，而且悬挂了巨大嘅限速标志，因为走神超速机会不大。主要是居然限速50公里，一唔小心就会超速，其实大学城虽然路况极佳，但城内学生们踩单车普遍缺乏避让汽车意识，所以记得保持车速。
睇完广州咁多个交通黑点，咁多位司机大哥喺唔喺觉得获益良多呢？但喺小编觉得养成良好嘅交通习惯先喺最最最重要嘅！为左自己为左他人，记得遵守交通规则呦!
来源羊城攻略
联系客服
