苏州评弹
暴落难
★★★還舊樓主2012年10月13日收集整理★★★繁华富地上海滩，
该家当个朋友多得交交关。
俚笃该仔家当恁写意，
汽车格去，汽车格来。
住宅洋房有十几间，
小花园面浪拿青草摊。
不过穷人多得无其数，
侪想到上海来发洋财，
倒说弄弄憋脚勒浪暴落难。
浦东人，暴落难，
卖卖黄瓜落苏搭鸡毛菜。
俚笃家主婆，弄头弄脑一声喊：“长锭要伐，长锭。”
南京人，暴落难，
蹲了马路边浪摆一付清真教门牛肉摊。
句容人，暴落难，
蹲了混堂里扦脚带擦背。“扦脚！”
常州人，暴落难，
蹲了城隍庙里摆一付酒酿摊。“我家的酒酿好佬喂。”
无锡人，暴落难，
挑一付油豆腐线粉担。
苏州人，暴落难，
蹲了书场里卖卖五香豆、黄连头勒甘草梅。
俚笃家主婆，等到十二点敲过一眼眼，蹲了会乐里门前
一声喊：“桂花赤豆汤，白糖莲心粥。”
十讶湖州人，暴落难，
卖卖麻酥糖勒大头菜；
俚笃家主婆，十二月里到上海，搭别人家拿丝棉翻。
绍兴人，暴落难，
蹲了城隍庙里背仔一只蓝：“兰花要伐啦，兰花。”
到下晚昼，弄头弄脑收收纸锭灰。
江北人，暴落难，
一到上海滩，先拿黄包车子拉，
上海拉车子交关难，红灯要停，绿灯好拉过来，
还有大转弯搭小转弯，大转弯倘若拉仔小转弯
辣里格妈，今朝安南巡捕撬照会。
俚笃家主婆卖卖向日葵。
常熟人，暴落难，
马路边上背仔一只蓝，“大先生能跑过来，老板娘能来么哉，
阿要买马桶豁洗搭水磨筷。”
甘露荡口人，暴落难，
大清老早拿起铁车子来推；
蹲勒弄堂口头一声喊，“喔哎！”，
三层楼上快点拎下来。
落难个朋友叫无其数，
我一时浪唱勿尽许多暴落难，请听众原谅一眼眼。
歡迎進入還舊樓主個人圖書館>>>
本站仅提供存储服务，所有内容均由用户发布，如发现有害或侵权内容，请
点击举报。
