睇靚景必去 ! 昇龍道 5 大推介 Travel佳 ??香港人成日話要去日本,除咗大阪同東京,近期仲有咩大熱嘅地方?Come On!跟我 Travel佳 一齊睇多啲呢個世界啦!呢排去日本最興梗係坐全新直航金澤去昇龍道啦!以下為大家介紹 5 個昇龍道必去靚景,準備 Mark 低啦 :
講起期間限定嘅日本奇景,點可以唔去立山黑部一睹阿爾卑斯山嘅大自然奇觀!立山黑部將於 2017 年 4 月中旬正式開山, 除咗欣賞由雪堆砌組成嘅白色迷宮,搭乘小巴士、吊車、纜車等 6 種不同交通工具外,鐘意行山嘅你仲可以徒步雪壁大谷,兩旁雪壁高達 20 米,影相一流!
除咗雪景, 昇龍道 仲有唔少世界文化遺產!名列世界文化遺產嘅白川鄉合掌村,仲係當年《最美麗的第七天》拍攝地。另外,喺能登半島嘅白米千枚田,景色壯麗優美,仲可以呼吸到最新鮮嘅田園空氣!
既然去到阿爾卑斯山脈附近,梗係要入埋自然生態區一探究竟啦!上高地大自然區由日本阿爾卑斯山脈 3000 公尺嘅級穗高峰巒環抱,為日本屈指可數園區!除咗可以喺雪山下瘋狂留影,仲可以去田代池、大正池吸收一下大自然靈氣,心曠神怡!
要數 2016 年大熱動畫電影,非新海誠作品《你的名字》莫屬啦!去到日本昇龍道,作為影迷嘅你當然要到取景打卡,走訪飛驒古川車站,兼同可愛飛驒牛合照,暢遊飛驒市圖書館,幻想進入動畫浪漫世界!
一場去到歧阜,要食就要食最好!飛驒牛係指岐阜縣經過 14 個月以上肥育嘅黑毛和牛,入口即溶,一試難忘,我話嘅!
小提示:?第一次去 昇龍道 ,最好梗係揀有經驗又適合自己嘅旅行團帶路!Travel佳 就介紹你哋參加由 EGL 東瀛遊主席兼昇龍道觀光大使袁文英推薦嘅旅行團,4 月起出發,帶你去齊以上 5 個必去靚景?!(提提大家,立山黑部開山時間係由 4 月至 11 月,唔好錯過!)
联系客服