想飛日本深度遊?日本長距離移動嘅交通費真係貴到嚇親人!其實日本兩大航空公司JAL同埋ANA都有專為外國人而設嘅國內線優惠,可以俾大家輕輕鬆鬆玩盡日本多個城市架。
原來JAL同埋ANA都有為外國人提供非常抵買的國內線優惠,平至單程連稅 5,500日圓 (港幣$391) 就可以來回日本不同城市,秒殺所有JR/巴士線啊!
這兩個優惠國內線pass都是外國人限定的優惠,購買者需符合以下三個條件!(我地去日本旅行絕對無問題,但如果你本身係日本讀書/做野就唔得喇!)
居住在日本國外
持有非日本護照的外國籍旅客,或是持有日本護照但擁有海外永久居留權的旅客
持有日本國際線來回機票者。(唔使一定係ANA/日航,你坐peach/HK Express/Jetstar都得!總知係來回機票就得!)
優惠票價分三個級別:(官網)
1.北海道航線及來回東北地區航線5,500日圓 (港幣$391);
2.來回東京及大阪,東京及南紀白濱及沖繩本島及離島的航線7,700日圓 (港幣$548);
3.其餘航線11,000日圓 (港幣$783)。
優惠同樣分三個價錢級別:(官網)
1.來回札幌、東京及大阪嘅指定路線,如札幌至仙台或福島、大阪至青森都係5,500日圓 (港幣$391);
2.來回東京同埋關西大阪/伊丹/神户7,700日圓 (港幣$548);
3.其餘航線11,000日圓 (港幣$783)。
兩個pass點揀?
其實兩邊嘅規則同埋價錢都係差唔多,不過在優惠航線數量同埋區域上,JAL略為佔優。
那霸至石垣線如果用JAL Explorer Pass 只需7,700日圓 (約$548),但用ANA Experience JAPAN Fare就要11,000日圓 (約$783)。
所以大家可以視乎需要嘅航線同埋航班時間,上返對應嘅航空公司官網買返適合自己嘅pass!
至於個pass有幾好用呢?
舉個例子,如果小編想由大阪去青森,呢條航線無廉航營運,坐新幹線過去嘅話,就要先去東京轉車先去到青森,車程約六小時,要26,000日圓 (約$1,850)!如果用以上兩款pass嘅話,連附加費只需5,930日圓 (約$422),個半鐘就飛到去喇。價錢差成四倍幾!
仲可以去到一啲比較冷門嘅二三線城市,如新瀉、山形添,玩盡日本無難度!而就算係廉航有營運嘅路線,如東京去大阪關西,JAL同埋ANA優惠價錢同埋廉航差唔多,但性價比高好多,仲包咗2件23KG行李,時間選擇上亦多好多。真係完全無得輸啊!
首先去到官網內陸機優惠頁面,按入搜尋及預訂航班
之後入返想飛的航線同埋日期時間,好似小編今次就搵下年2月22日,下午時間東京飛大阪
3.揀返心水航班 (超多航班任揀!)
確認一次價錢同埋航班就可以俾錢架喇!(羽田及關西機場需加收額外附加費)
同樣首先去到官網內陸機優惠頁面,按入搜尋及預訂航班
入返想飛的航線同埋日期時間,一樣搵返下年2月22日,下午時間東京飛大阪
揀心水航班
確認一次價錢同埋航班就可以俾錢架喇!
出發果時記得帶齊護照,同埋來回日本機票的憑證俾地勤睇啊!
用Pass買嘅內陸機行李跟國際線標準,即包2件23kg行李!
張飛可儲到少少里數,如果買日航pass可以儲落one world嘅里數計劃度,如果買ANA Pass可以儲返落Star Alliance嘅里數計劃度。
想豪少少嘅話,可以係check in嘅時候加1,000日圓申請升級去business,只要有位基本上就up到,少付出大享受!
來回羽田、成田、伊丹、關西、新千歲、中部、仙台及北九州機場等機票需附加旅客服務設施使用費,大家要留意喇。
联系客服