唉平時10月11月應該係日本睇紅葉ga嗎,點知今年不論紅葉黃葉由加利葉,唔理咩行業都收皮啦
無得去外國,芒草總算係香港都睇到既美景,就當係出國影相,自我滿足暫離一下這個煩悶的城市啦~
於是再google搵下,原來飛鵝山都係芒草熱點!
飛鵝山唔係for偷情ga咩?????
講真呀我呢d既純情又貧窮既無車階層,飛鵝山上傷避震呢家野同當面鬧老細一樣 ----------- 你諗下好啦~~~~~~~~~~~
Anyway啦~ 一於襯放假天氣好走一轉飛鵝山,係睇下係一個點樣既 車震勝地 芒草勝地啦~
德望學校至百花林
百花林至飛鵝山觀景台
芒草小山
大老山天文台
扎山道停車場觀景台至沙田坳至慈雲山
唔渣車的話,可以係彩虹村or荷里活廣場坐91 / 91M / 92巴士,於「德望學校」站落車
再沿清水灣道上斜行約5-10分鐘,到燈位再轉上飛鵝山道繼續上行,不多久已可見到「飛鵝山」三隻字的石碑
起點方面,原本我想行「自殺崖」上「倚天脊」至「飛鵝山觀景台」做目的地
但起點路牌有人寫住一定要帶行山索,再google深入d先發現呢條路係5星難度超危險! 而且發生過唔少致命意外!
我當日對腳同裝備都唔太好,都係跟大隊兜遠d ---------- 繼續沿飛鵝山道上百花林慢慢上山啦~
比起影相,都係命仔緊要d!
由百花林墓碑開始就正式進入飛鵝山範圍了!
風景無乜、難度無乜,只係不停不停地上斜,不停不停地上斜…………
行左兩個鐘我都仲係面不紅氣踹!
想行山減肥既朋友真係要諗清楚呀! 無用ga!!!!!!
平時行山行車路都無乜所謂,但飛鵝山本身就以「汽車直上山頂」而出名,如果唔係d MK點會飲兩杯就問「我車妳上飛鵝山頂睇夜景呀~」
儘管日光日白,但仍然每兩分鐘就有私家車的士係後面駛上嚟。山路狹窄,我地d行人只能靠到好邊好邊,甚至要停低比車過
所以每當呢d車一過,行山人士團結一致舉中指好合理呀~
由此處可轉入「衛奕信徑4段」,或行去基維爾營地,更吸引的是右方不遠山上已是滿滿的芒草~
Wa~~~~~~~~~~~~~~~~~~~~ 成個山頭都係人呀~~~~~~~~~~~~~~~
加上果度唔係我既目的地,都係休息一陣望下遙遠的西貢算啦~
繼續上山~
唔使10分鐘,終於到達目的地「飛鵝山觀景台」!
儘管呢排行多左唔同山,多左係高處俯瞰不同角度的香港
怪不得咁多人要夜嗎嗎上嚟啦! 夜景一定超級無敵正!
至於而家,當然係擺post影kai相啦!~ 我IG post呢幾張唔少fd都表示chok到令人難受tim ar~
但唔好忘記今次我既目的係芒草呀!
其實上山沿途已經見到有d,但就好似沙勿略的髮型一樣稀稀疏疏
雖然無夕陽金光,芒草亦略為稀疏,但至少有藍天白雲頂當~
滿意ga啦~
加上山頂有足夠平地,絕對可以係度野餐露營談談情
黃子華講過 : 「如果妳沒有時間跟我談情,那就請妳跟我露營~」
既然有地方,何必傷避震呢~
當然啦山頂凍到痴肺係另一件事~
只要妳行埋果幾級樓梯,yeah妳已經來到大老山山頂了! 呢邊可以睇埋吐露港、中大及慈山寺
平時大老山隧道過得多,大老山山頂真係無咩幾可會到此一遊呀~
我果陣仲有咸蛋黃紅霞(少少)配芒草tim~
係時候落山了~
多數駕車人士都會係度放架車步行再來回飛鵝山,所以都算幾多人聚集
平時無乜野,但而家都係戴返口罩好d
繼續落山啦!
你可以沿馬路行返落去彩雲村,但果條係車路加超級無敵遠
此路少車易行,仲有路燈照明,仲有夜景邊行邊睇,輕輕鬆鬆半個鐘就來到「獅子亭」~
同時接駁返我上次「沙田行去慈雲山」的尾段落黃大仙or慈雲山~
完成!
https://garcia-in-germany.blogspot.com/2020/01/005.html
而我係岩岩10月尾3日連假出發的,當時芒草仍未非常茂盛,估計出文既呢個moment會濃密好返好多ga啦~
另外要講既係 ---------- 行完返嚟寫呢篇文時,我先發現我上既其實係飛鵝山 大老山既混合體~
如果對行山有經驗有能力既朋友,的確可以上飛鵝山自殺崖,或由百花林上倚天脊,經東山象山到飛鵝山觀景台,咁成條路就好玩有趣得多了~
如果他朝有機會上的話,我再同大家分享啦~
記得add我IG同Youtube Channel呀! 下回再見~~
=====================================
=================================
香港郊遊
發掘香港
================================
Email : funggarcia@gmail.com
联系客服