白切雞定係白斬雞？到底点讲先地道？呢個問題一直喺我心中徘徊左幾十年。
企喺雞嘅角度，如果係白斬嘅話會痛快一啲，如果係白切嘅話就比較難顶啦，雖然結果都係一樣。
唔知道大家有冇發現依家嘅白斬雞或者講白切雞唔係咁好食，好難去搵到一間做白切雞或者白斬雞比較叻嘅酒店。原因唔係廚師嗰度而係雞變咗。
雞有雞味係无鸡不成宴的廣東人對雞嘅基本要求。皮爽肉滑骨带小小血，係一隻好嘅白斬雞嘅標誌。亦都係北方人對粵菜最恐怖嘅描述。哇，有血嘎！
相對於舊陣時嘅雞，現在嘅雞皮比較厚，所以好難爽，肉比較实，所以嚼起嚟好辛苦，骨又粗又硬，更加唔使講啦。就算個廚師係神仙亦都冇辦法整返出以前嗰種白切雞白斬雞嘅味道出嚟。
時代變咗， 雞亦都會變，一切都在變，都由不得人點樣去感慨啦。good一声食咗佢就係。如果唔食嘅話咁就連雞都冇得食啦。
仲記唔記得我講過美好嘅生活並不是完美嘅生活。
美好的鸡并不是完美的鸡。在创新中退而求其次是我们继续食鸡的法宝。
最简单的办法就係去買一包鹽焗雞料， 跟住將隻雞放喺電飯煲裏邊焗熟，咁就叫做電飯煲雞，又好味又簡單。
複雜一啲嘅辦法我之前都講過，就係將隻客家鹹雞斬碎佢，跟住用各種配料譬如講洋蔥，椰菜絲，芫荽，加上沙律醬同雞捞勻，然後再撒幾粒花生，呢一種鸡叫做捞鸡，亦都係好好食。好惹味。
總而言之雞係死嘅人係生嘅，白切雞白斬雞衰咗，我哋就搵另外一種辦法，搵另外幾十種辦法去食佢！結果都係一樣嘅，冇一隻雞可以活着行出广东！
無論點樣食都要齊齊整整咁樣食！雞頭雞尾雞翼雞髀雞爪一定要冚巴冷食晒佢。仲有符翅要滚啖菜汤饮清光！
真係唔好意思，琴晚嗰隻雞俾我斬晒啲雞胸肉，雞大髀亦都冇埋，只係留返啲頭頭尾尾手手腳腳先摆得上台，唉，冇計。搞到我間舖頭仔人气生意都急劇下降。食客的眼睛是雪亮的，口感是敏锐的。好多人都feel到只疍家鸡支离破碎挂？人在屋檐下，那能不低頭？求其是但啦。
联系客服
