总有一日天，侬会得明白

沪语朗读：钱爱娟

朗读者

总有一日天，侬会得明白

来源：艺海闻声

文：雨儿的世界

改编：丁迪蒙

朗读：钱爱娟

总有一日天，侬会得明白：小个辰光，老是盼望快点长大，等到真个长大了，却又开始怀念童年。原来，长大，勿是阿拉梦里想要个样子，伊只不过是一种心理个历程，是经历磨难坎坷、经历风雨搭仔痛苦个最终结果。

总有一日天，侬会得明白：青春总归是勒勿经意之间悄悄叫个远去了。伊眼足迹，伊眼印记，侪会得成为生命里向永远也勿会凋零个花朵。多少年以后，蓦然回首个辰光，再晓得伊是人生当中最灿烂个花季。

总有一日天，侬会得明白：爱情勿是一场盛大个风花雪月，陪伴再是生命里向最最深情个告白。有眼人，勿属于侬，葛就勿要念念不忘。有眼事体，过去了，葛就让伊成为过往云烟。随便啥个美丽个语言，侪抵勿过身边伊个贴心个温暖。所有耀眼个繁华，侪勿及平平淡淡个真情。

总有一日天，侬会得明白：啥人再是真个对侬好。勿是言话讲得多少漂亮就是真心，勿是拿人哄得多少适意就是真爱，呒没行动，任何花言巧语侪是空话。呒没付出，所有个山盟海誓侪是谎言。

总有一日天，侬会得明白：生命里向个每一次相遇，侪是前世注定个相逢。大千世界，茫茫人海，能够碰着是多少个勿容易，真个应该好好叫去珍惜。因为，每个人呒没啥个前生来世，今生，再是最值得拥有个美好光阴。

总有一日天，侬会得明白：人生短暂，聚散无常。生死离别，即使有多少个勿舍得、勿情愿，也是每个人侪无法躲闪搭仔必须面对个现实。就是因为搿能，再明白了生命个可贵，懂得了亲情、爱情搭仔友情个珍贵。

总有一日天，侬会得明白：淡泊世俗，心澄明镜。天高云淡，依然欢喜。笑看人生，任凭时光慢慢叫个老去，愿意搭伊相爱白头，老有所依。

   

 

方言是文化的活化石。每种语言都能表达出使用者所在民族的世界观、思维方式、社会特性以及文化、历史等，都是人类珍贵的无形遗产。当一种语言消失后，与之对应的整个文明也会消失。保护汉语方言，有利于人类文明的传承与发展和社会安定。

在上海，爱上海，讲上海言话。

“言话”基本解释：说话，谈话。南朝宋·刘义庆《世说新语·赏誉》“天锡见其风神清令，言话如流。”宋·苏轼《归去来集字》诗之三“言话审无倦，心怀良独安。”此与今日上海话中“言话”的用法是一致的。

“闲话”基本解释：指闲谈；背后议论他人是非的话；不满意的话，有关私人的谣言、传闻、幕后消息等。见陆游《雪意》诗：“闲话更端茶灶熟。”

图：网络  /  编辑：渺渺