吾始终侪是迭能唻理解、认得并去认为个，就算有人是属于一个土生土长个上海人，对于处勒覅同年龄阶段个上海人个心目中，对老城隍庙（豫园）自然就会产生覅同个认识、感受搭情愫，吾就唻写一写自家所晓得个、心目中个老城隍庙（豫园）到底会是哪能个。
1998年5月下旬，大吾五岁个亲大哥陆明结婚，勒婚后个第尼天阿姐瞿健玉进门探望爷娘以后，【备注：大哥个妻子按照称谓应该叫阿嫂，但是爷娘是迭个样子唻认为个，要是吾喊阿嫂就多多少少显得有一眼生分搭疏远，况且嫂子个岁数又比吾大，规定以后吾一直叫伊阿姐就好！】吾赠送拨伊个一件小礼物就是由上海火柴厂同年发行个《豫园风光火花集》，勒迭本火花集个里向，拢共选取有60处风景点，几乎拨所有个豫园风景点侪囊括其中，迭些风景点又是上海人顶顶熟悉个。当时光走到2013年9月7日，国家邮政部门还发行有豫园特种邮票，一套四枚，伊个编号就是：2013—13T，四枚邮票分别是：（4-1）湖心亭与九曲桥，面值为80分；（4-2）大假山，面值为1.20元；（4-3）卷雨楼，面值为1.20元；（4-4）玉玲珑，面值为1.20元。除忒发行有邮票以外，还发行有首日封、原地封等各种搭豫园有关系个邮票，爱好集邮个吾，还特惠跑到邮币卡收藏品市场去购买豫园大版票。
吾勒讲老城隍庙（豫园）前头，要先唻简单个介绍一下伊个历史到底又会是哪能个？！伊始建于吾伲国家历史浪个明朝永乐年间，距今为止已经是拥有将近六百年个历史，伊个建筑样式是属于“南方大式建筑”“红墙泥瓦”。今早仔老城隍庙（豫园）伊个内主体建筑就是由“庙前广场”“大殿”搭“元辰殿”……组合而成个。除此以外，勒老城隍庙（豫园）个里向还有“华宝楼”古玩商城“宁波汤团店”“南翔馒头店”“春风松月楼”“湖心亭茶楼”“九曲桥”搭“豫园”等各种类型个建筑，伊个地理位置又是勒啥个地方呢？！就是勒上海市黄浦区个方浜中路，伊个东面到安仁街，伊个北面连通福佑路，伊个西面到旧校场路。【备注：“老城隍庙（豫园）”原先则是属于南市区管辖，勒2000年时南市拆区拨划归并入到黄浦区。】
勒拉老底子个辰光，勒上海迭座城市有迭能一句邪气有名气个闲话，迭句闲话也可以讲是属于闻名全中国个名言，讲道：“凡到过上海滩个人，要是呒没去兜兜黄浦区南京东路步行街、逛逛南市区个老城隍庙（豫园），侬就覅能去讲啥个唻过上海滩个，也就等同于侬个人从唻侪呒没唻到过大上海迭座城市哦！”……勒上海迭座城市里向个“南京东路步行街”搭“老城隍庙（豫园）”景点，就好比是北京个“故宫”搭“长城”、福建厦门个“鼓浪屿”、黑龙江哈尔滨个“太阳岛”……覅管侬是去出差公干，还是去某地旅游，要是就连某个省或直辖市顶有名气个景点侪没去看过一眼，就覅好算侬曾到过。
只要是对于上海迭座城市个方方面面有所了解个人群或个人，自然就会晓得迭能个一桩事体，迭桩事体就是－－原先勒上海南市区老城隍庙（豫园），勒老底子个辰光就已成为全国闻名个游玩景点。
覅仅是迭能唻，还依据吾查询到个历史资料以后，还获知到迭能个一条历史方面个信息，就勒国人还覅哪能晓得“旅游”到底是属于啥么事个辰光，对于大江南北个国人唻讲伐，侪是晓得勒上海迭座城市个里向，拥有一座交关有名气个游览景点，是值得去看一看个，伊个名字就是叫作“老城隍庙（豫园）”，还但凡是其他省市唻到上海个人群或个人，眼扳数是要去老城隍庙（豫园）兜一兜个，品尝一下里向个各类小喫。每每只要是到国定假日，以及旅游季节个辰光，就会有许许多多五湖四海个游客，勒城隍庙（豫园）个里向也是人头攒动人轧人个，就算是勒那些俗常个日脚里向，还只要是一到双休日个辰光段里向，老城隍庙（豫园）里向照样会人山人海人轧人个。
就连土生土长、各个年龄阶层个男女老少，只要是勒心里牵记着老城隍庙（豫园），会抽空去老城隍庙白相、“轧闹猛”、去喫喫老城隍庙（豫园）个各类中华名点小喫。还有覅少个外国政要唻到中国上海，也同样会去兜上一圈，品尝中华美食。比方讲：英国女王伊丽莎白二世、美国前总统克林顿勒老城隍庙（豫园）品尝过绿波廊个点心；2014年亚信会议期间，上海市政府就安排各个国家个第一夫人去老城隍庙（豫园）参观，领略上海人个人文历史搭中华传统美食……
【备注：勒上段文字当中个“轧闹猛”一词，伊是属于一句沪语方言闲话，伊要表达个意思就是讲：爱凑热闹、爱围观管闲事。】
勒吾个内心深处始终侪存有迭能一个观点个，实际浪向唻讲伐，上海老城隍庙（豫园）多多少少是有一眼眼勒“欺骗”全国人民，全国人民“亦是拨受骗上当”。但凡是名字叫做“城隍庙”或“老城隍庙”个地方，既并覅是上海独此一家别无分号个，也覅是发源地。勒中华民族个文化当中，“城隍庙”或“老城隍庙”是属于一种道教文化，道教可以讲是中国个国教，其他类别个宗教侪属于舶唻品，正因为道教是中国个国教，因此勒每个省搭直辖市个历史长河当中，曾经侪建造有大大小小、覅同样式搭规格个“城隍庙”或“老城隍庙”，保留到今早个辰光，全国稍稍有一眼名气个城隍庙，还拥有五六十座之多哩。比方讲：就勒“陕西西安都城隍庙”，留存到今早仔已经经历620多年个历史；还勒“北京市城隍庙”，伊又拨叫作“居庸关城隍庙”，留存到今早仔已经拥有650多年个历史；更勒“广东省广州市都城隍庙”，留存到今早仔已经拥有630多年个历史……名气“乓乓响”全国人民侪晓得，很有可能还要数上海老城隍庙（豫园）。
吾是一个土生土长个上海人，出生于20世纪70年代后期，拨大家称之为“70”后。7岁到16岁个辰光，居住勒浦东地区紧靠东海岸之滨、拥有800多年历史搭“营造之乡”美誉名叫“高桥”个古镇浪，迭座古镇勒老里八早就是属于由川沙县唻管辖个，当时光走到1992年10月11日，国务院批复，上海市川沙县撤县设区，1993年1月，浦东新区正式成立（党工委搭管委会），伊就拨划归为浦东新区管辖。
勒吾个小辰光（孩童到青少年时期），搭同龄人相比较而言，覅是一个顶好、顶聪明个人，多多少少显得有一眼眼愚笨。生怕吾拎不清爽搞覅清爽，爷娘就一直勒讲：“'老城隍庙’就是'豫园’，'豫园’就是'老城隍庙’，'老城隍庙’搭'豫园’迭两组词语，既可以分开唻讲，也可以放勒一道去讲讲个！”等自家长大以后，查阅与之相关个历史资料以后，侪明白并晓得，实际浪向“老城隍庙”搭“豫园”是两处地方（景点），“老城隍庙”里向又包含着“豫园”。
上海有一条黄浦江，伊个全长大约有113公里，河道个宽度是勒300米至770米之间，因此讲黄浦江是“划江而治”个。勒黄浦江个东面，就拨称之为浦东，勒黄浦江个西面，就拨称之为浦西。吾还能清爽个记得至少是勒1994年前头，绝大多数住勒浦东地区个市民，无论是去浦西白相，还是到浦西去上班讨生活，唻往于黄浦江两岸，主要依靠个还是“摆渡船”，就勒掰时还呒没各种越江隧道搭跨江大桥。每当一到冬季碰着迷雾天气，摆渡船还要停航，覅管是浦西人，还是浦东人，往返于浦东搭浦西之间，覅是邪气容易个一桩事体哩！
勒吾7岁到16岁个年纪，只要是拥有机会爷娘就会带领吾去浦西白相个，尽管去浦西白相一趟覅是邪气容易个一桩事体，畀过每年至少要去六七趟，所白相个地方就有四块地方。第一块地方是浦西虹口东汉阳路浪大姨妈倪榴娣个屋里搭四川北路；第尼块地方是浦西外滩；第三块地方是南京东路步行街；第四块地方是原南市区老城隍庙（豫园）。像迭四块地方，到老城隍庙（豫园）白相还是蛮多个。每趟去总觉着迭是交关幸福个一桩事体，又假使讲有老长辰光呒没去过，自然会向爷娘央求道：“上海去伐（不），到上海去伐（不）！”……
吾还要想讲个闲话到底又会得是啥么事？！迭个就是－－还是勒拉掰搿辰光段里向，吾搭爷娘为啥事体每年到老城隍庙（豫园）去白相个趟数，就会唻得稍许多那么一眼眼呢？！侪是因为勒拉掰搿辰光，还覅哪能流行旅游个，也同样是呒没旅游迭能个一种讲法哦，上海老百姓晓得“旅游”迭个词眼，顶早也是要从1993年、1994年以后侪开始个，还因为去老城隍庙（豫园）白相就可以去“孵”一整天，喫喝玩乐可以侪是勒里向解决个，覅像到其他地方去白相，总归有一眼眼个欠缺，是覅能够保证“喫喝玩乐”一道解决忒个，喫喝玩乐就是要分开唻去寻找个，要是要分开唻去寻找个闲话，多多少少是有一眼眼个麻烦哦，那倒还覅如去老城隍庙（豫园）白相唻得好，可以省去许多麻烦，少花一眼心思。还有一个主要原因就是：去老城隍庙（豫园）白相，对于工薪阶层唻讲，相对而言还是属于蛮便宜经济实惠个。【备注：迭段文字当中“孵”个意思就是讲：可以待勒里向一整天。】
当吾还居住勒浦东地区顶东端高桥古镇浪个辰光，对于上海市个交通唻讲就是属于并覅是邪气发达搭快速便捷个，浦东地区个人去浦西白相一趟并覅是属于交关容易个一桩事体哩。勒掰时高桥古镇只有一部81路公交车是沿着黄浦江边往浦西方向开个，伊个终点站是陆家嘴轮渡站，从终点站到码头还要走十分钟左右个路程，今早陆家嘴是金融贸易区，勒想当年还只拨过是浦东顶顶繁忙个码头以外，其他啥么事也是呒没个，伊顶顶高个一天记录，运输唻往于浦西搭浦东个乘客达到过100多万人次，而且还是一天到夜24个钟头覅停歇个。
勒上海还呒没越江隧道搭跨江大桥个日脚里向，对浦东地区个老百姓唻讲，基本浪向每趟所行走个路线侪是迭能样子，去老城隍庙（豫园）白相个闲话，就要先乘81路公交车到陆家嘴，只为能够快一眼，勒掰时81路公交车是有大站车个，吾伲勒绝大多数个辰光，就是乘81路大站车去陆家嘴，再转乘陆金线摆渡船到浦西，对面就是金陵东路轮渡站，走出金陵东路码头以后，也只能是步行去老城隍庙（豫园），先是从金陵东路走路到东门路，再从东门路走路到人民路方浜中路个交叉路口，等到走到人民路方浜中路交叉路口时，自然就是无限个接近老城隍庙（豫园），迭个辰光顶起码也要去行走20分钟到半个钟头左右。就勒拉掰搿辰光，从自家屋里向到老城隍庙（豫园）去白相一趟个闲话，单趟行程要是勒交关顺利个情况，顶起码也要花费1个钟头50分钟左右，慢一眼个话就要花费两个钟头10分左右。偶尔勒某些辰光段个里向，吾搭爷娘还会乘东东线摆渡船去老城隍庙（豫园），勒浦东地区是属于东昌路轮渡站，对面浦西就是东门路轮渡站。
老城隍庙（豫园）是要区分前门搭后门个，就勒吾7岁到16岁个辰光，每趟去老城隍庙（豫园）白相，基本浪向侪是从人民路方浜中路进去个，从唻呒没走过河南南路福佑路，所以始终固执个去认为人民路方浜中路是伊个前门，其他进口通通侪覅是伊个前门，只能算是伊个后门，后唻走过河南南路福佑路以后，又听到对老城隍庙（豫园）历史邪气熟悉个友人介绍，方侪晓得以前是拨自家弄错，河南南路福佑路侪是老城隍庙（豫园）前门，以前行走个路线是伊个后门。
依旧还是勒掰搿辰光段个里向，那些男小囡们搭女小囡们也同样欢喜去老城隍庙（豫园）白相个，只要是有去白相就是属于邪气开心个一桩事体，顶主要个一个原因到底会是啥么事？！勒吾看唻，顶大个一个原因就是勒老城隍庙（豫园），还有迭能个一个称谓，迭个称谓就是属于“小商品个世界”，勒里向有各式各样个儿童玩具，勒掰时个老城隍庙（豫园），就如同今早仔个义乌商贸城，拨过，伊个规模呒没今早仔个义乌商贸城唻得多、唻得大。勒20世纪80年代至90年代个辰光，所流行个适合小囡们去白相个各种玩具，侪是可以勒老城隍庙（豫园）里向寻找得着个，勒里向还拥有许许多多买卖玩具个店铺，还会去展（演）示各种玩具以及玩法哦，比方讲：就有马铁口做个各类小汽车、儿童气枪、上发条个跳蛙、上发条能飞翔个鸽子……
侬还覅讲，勒掰时个辰光吾还亲眼看到迭能个一类事体，迭桩事体就是－－有覅少个男小囡们搭女小囡们，吵嚷着要买自家邪气欢喜个各种类型个玩具，还要是讲家长或（外）祖辈始终覅肯拨自家个小囡买个闲话，就会一直哭闹覅停，喉咙始终侪是“乓乓响”个，还会做出“消地光”躺勒地浪左右翻腾覅肯爬起唻，一直要等到买好以后，侪破涕为笑爬起唻开开心心个走，就有一些邪气刁钻个男小囡们搭女小囡们，只是去买一样玩具唻白相个闲话，绝对是覅唻三个，顶起码也要有购买过两样玩具以后侪肯罢休个，迭还覅算啥个，有些小囡就希望玩具购买得越多越好。【备注：“消地光”迭个词眼是上海崇明地区、江苏启东地区、江苏苏北等各个地区个方言俚语词语，伊个意思通常就是指有人长辰光个躺勒地浪耍赖、覅停个打滚覅肯起唻。】
吾个家庭因为经济并覅是交关好个，只能是眼馋看看罢了，爷娘顶多覅会走动，让多看一些辰光罢了。爷娘还曾经对吾讲过迭能一句沪语方言，曰：“侬从生唻到学龄前，基本浪向侪是由外公倪根生外婆张榴妹以及大舅舅倪榴发带领大个，在此期间只要是有空，吾伲也会带比侬大五岁个亲阿哥陆明去老城隍庙（豫园）白相，看到玩具也会得眼馋，心里想也想要去买，但是伊心里向也晓得屋里向经济条件是属于邪气推扳买覅起，也顶多要求让伊多看半个钟头！”……
上头一段个沪语方言讲个到底是啥么事？！顶主要就是讲，吾还有一位大吾五岁个亲阿哥陆明，勒伊少年个辰光，吾个爷娘也同样会带领伊去原先个老城隍庙（豫园）白相个，勒伊个小辰光（少年时期）也是欢喜各式各样个玩具，因为深知自家屋里向经济条件并覅是邪气好，也是买覅起各式各样个玩具，顶多只能是看看解眼馋罢了。
上海市黄浦区个“南京东路步行街”搭原先南市区个“老城隍庙（豫园）”，像迭两块地方吾侪去白相过个，也侪是由爷娘带领吾去白相相个，覅仅是迭能，吾还曾经侪有去拍摄过照片留过影个。
要是拨“南京东路步行街”搭“老城隍庙（豫园）”，迭两块地方相互之间侪拿唻做一个对比搭比较个闲话，等到吾实足走过弱冠之年以后，自家始终侪是迭能唻理解、认得并去认为个，对于黄浦区个“南京东路步行街”唻讲，就是属于“阳春白雪”一类个，原先南市区个“老城隍庙（豫园）”唻讲，则属于“下里巴人”一类个。覅管是身处勒哪一个年代个里向，侪是属于迭能样子个，就连那些老一辈个上海人唻讲伐，也同样会搭吾是感同身受、拥有相同个观点。
勒黄浦区南京东路步行街浪，勒吾伲国家个中华民国时期，就已经拥有四大公司，伊拉分别就是：先施、永安、新新搭大新，迭些公司长久以唻就是属于高大上一类个，勒交关长个一段辰光里向，多数就是那些白领去白相消费买卖商品个地方，只有某些需要撑一个门面个人家，勒偶尔个辰光侪会去南京东路步行街买一两套勒邪气重要个场合侪去穿个“出客行头”。然而，老城隍庙（豫园）是属于“日用小百货世界”“各类小商品世界”搭“喫货世界”，是交关接地气个。勒老城隍庙（豫园）曾经还流行过一句沪语方言口号哩，讲道：“只有侬自家想覅到，呒没做覅到个！”反正是普通老百姓勒俗常生活当中所需要个各式各样个商品，勒里向可以讲是应有尽有个，侪是可以去买到个。勒廿年前头，由于吾个阿奶王妙心年龄邪气大，岁数已经达到70多岁，每天跑到小菜场买小菜，有一眼覅大方便，还感觉到有眼喫力力覅从心，需要一辆买小菜专用个小推车，家父陆吉良特惠到老城隍庙（豫园）帮阿奶去购买过一辆专门用唻买菜个小推车。
吾勒上段文字当中所提及个“出客行头”，就是属于一句老上海方言俚语闲话哦，伊个意思就是讲需要外出会客时所穿个衣裳。
吾还要想讲个闲话就是，老城隍庙（豫园）是属于喫货个世界，就覅能覅去讲一讲老城黄庙（豫园）里向个、各式各样个小喫搭饭店哩，勒里向个小喫真个可以讲是交关丰盛数不胜数个，走进去以后简直让人“目不暇接口水直流”，各式各样个小喫搭各式各样个点心就有：“单档汤”“双档汤”、南翔小笼、蟹粉小笼包、开洋葱油拌面、排骨年糕、荠菜馄饨、重油煎馄饨、锅贴、生煎、春卷、宁波汤团、酒酿圆子、鸡鸭血汤、鱼丸汤、咖喱牛肉汤、油豆腐粉丝汤、发财鱼圆汤、三丝春卷、蟹壳黄、大肉粽、金腿小粽子、油条、豆浆、粢饭糕、萝卜丝酥饼、金腿萝卜丝酥饼、三丝眉毛酥、枣泥酥、发财元宝酥、果仁梅花酥、蝴蝶酥、叉烧包、素菜包、鸽蛋圆子、面筋百页、面筋塞肉、肉粽、大排面、芹香蒸饼、凤尾烧卖、净素菜包、冠顶饺（形状帽子）、蟹黄灌汤包、蟹壳黄、蛋黄印糕、鲜肉月饼……要是让吾继续举例各式各样个小喫搭点心，还可以排列举出长长个一长串哩！据查询到资料显示，今早老城隍庙（豫园）南北小喫达500种。
吾为啥事体要去举例各式各样个小喫搭点心呢？！侪因为吾勒前头个文字讲到过个，勒吾7岁到16岁个辰光是居住勒高桥古镇上头个，国家虽然从1978年就已经开始搞起改革开放，还因为勒掰搿辰光段个里向，国家搭老百姓还侪是身处勒计划经济时期个里向，买卖各式各样个商品、喫喫各式各样个小喫搭点心，只要是面粉做个，还需要铜钿、粮票搭各种票证，绝对是缺一覅可个。虽讲勒吾掰时所居住个古镇浪向是拥有两三家饭店，名字叫做“德兴馆”“西街饭店”搭“长兴馆”，就是呒没一爿点心店个，是买覅到早饭搭各式各样个小喫摊点，基本浪向古镇里向个每户人家侪是自家动手去做早饭。据曾经一起共事过个同事陈建敏老师傅讲，浦东地区要去喫各式各样个早饭小喫点心，还要是沿着黄浦江边唻计算个闲话，顶近个地方也只有勒原先高庙（庆宁寺），即今早仔浦东大道金桥路，侪可以去喫到，侪有购买“包脚（角）布”、咸（甜）豆腐浆搭“粢饭糕（团）”……
至今还能够清爽个记得，掰时吾搭爷娘去老城隍庙（豫园）白相相，虽讲爷娘是属于普通个双职工，铜钿赚得覅是邪气多，上饭店去喫饭根本是覅可能个，想也覅要去想，但是去老城隍庙（豫园）喫各式各样个小喫搭点心，经济条件还是允许个。当年只要是去老城隍庙（豫园）白相，喫得顶多个品种是如下七种小喫，分别是：生煎、锅贴、小笼包、大排面、鸡鸭血汤、咖喱牛肉汤搭油豆腐粉丝汤。
老城隍庙（豫园）里面侪拢共只拥有三家饭店，伊拉分别就是：上海老饭店、绿波廊酒楼搭春风松月楼素菜馆，吾去老城隍庙（豫园）饭店里向喫饭，只是去其中两家饭店有喫过饭，分别是上海老饭店搭绿波廊酒楼，是从2003年以后侪开始去个，就算到今早仔，也拢共只有去喫过四五趟，而且五趟还是搭大学本科好友们一道去喫个！
第一趟去个是上海老饭店，是因为读大学专科时结交到好友杨家（日为），【备注：读本科时也搭伊成为同校同学同一个班级。】伊个尼子考进理想中个医科大学，还特惠宴请同为大学专科好友张迎平，以及勒读大学本科期间结交到个一帮好友。“上海老饭店”始创于清光绪元年，即：公元1875年，最初个名字叫作“荣顺馆”，伊个地理位置勒“海上明园”豫园旅游区内，有“品味源头上海菜，驻足百年老饭店”之美誉。最初个地址是勒旧校场路上头，至1965年时搬迁到福佑路老城隍庙西侧，饭店邪气有名气个菜肴就有：红烧肉、油爆河虾、虾子大乌参、水晶虾仁、松鼠鳜鱼、八宝辣酱、红烧鮰鱼等等。
后头个三到四趟是搭大学本科好友聚会喫年夜饭，是到九曲桥畔绿波浪酒楼喫个，“绿波廊”原先只拨过是明朝嘉靖三十八年豫园西园个一座楼阁，伊开业于明朝嘉靖年间，地理位置一直就是勒老城隍庙（豫园）九曲桥畔，从唻就呒没搬迁过，原唻伊个名字叫作“乐圃阆茶楼”。当时光脚步走到1979年时，改名为“绿波廊餐厅”，迭家饭店特色主要是以经营上海本帮菜肴、海派菜色搭苏州风味个菜点。顶顶主要个各类名菜名点就是有“扇形甩水”“生爆鳝背”“蟹粉豆腐”“萝卜丝酥饼”“三司眉毛酥”“桂花拉糕”……好友之间每年总归会有好几趟聚会，吾伲还相约以后还要安排到绿波浪酒楼。
吾搭大学本科一帮好友从2003年开始相交，走到今早仔，已经拥有第16个年头，为啥事体吾伲会去选择到老城皇庙（豫园）聚会白相、聚餐喫年夜饭呢？！只因为迭些友人搭吾同样是迭能唻认为个，也拥有相同个感受，去老城隍庙（豫园）就可以孵一整天，等喫好中饭以后，还可以勒里向逛逛白相，外加交通也是属于交关方便便利！
吾就算是计算到今早仔个闲话，覅管自家去老城隍庙（豫园）白相个趟数有多少回，每趟去老城隍庙（豫园）白相个辰光，“九曲桥”吾也眼扳数是要去兜上一圈个，要是自加个兴趣唻得邪气高涨个闲话，则是很有可能还要唻回去兜上好几圈，既是因为伊身处勒老城隍庙（豫园）个中心地带（位置）浪，还是因为迭座桥是属于汇通景园36个景点之一，顾名思义就是勒讲迭座桥拨分割成为九曲，而且还是曲折迂回个。就勒中国传统文化当中，“九”是数字当中顶大个单数。
勒吾伲国家个古代文化当中，也同样是拥有“九九归一”搭“九五之尊”迭能个一种讲法哩，古人也是迭能唻理解、认得并去认为个，迭个数字“九”，伊既充满着“吉祥”搭“尊贵”个两层意思勒里向；伊还是属于一个“邪气吉祥搭交关有利个好数字”；伊更是属于一种总结性搭概括性讲法；九曲桥个全长就有18米，伊个宽度则是达到2米，整座桥个桥面侪是由“花岗岩”搭“草白玉”构建而成个，除忒吾勒前头所讲个以外，就勒桥面个下头还是一个大放生池，勒放生池个里向，还饲养有各式各样个金金鱼，还会有覅少个游客们，去购买一些适合金金鱼喫个食物喂拨金金鱼喫，勒桥个两旁还拥有廊亭个，勒廊亭个两旁还拥有石桌石凳。整座桥从整体上唻讲伐，还可以用20个字唻好好较去形容伊个，迭廿个字分别指个就是－－“雕刻精美”“构思巧妙”“匠心独运”搭“巧夺天工”。根据相关个历史专家们经过严谨个考证以后，还讲过九曲桥还拥有两绝哦，每年只要到中秋佳节以后，还能够拥有“九曲印月”搭“曲桥泛鲤”之奇景。还让吾查阅到一条有关于“九曲桥”个信息，迭个就是：就连著名学者祝阳先生也对九曲桥赞誉有加，也写有一首诗，讲道：“瑶台失落凤头钗，九曲卧水映碧苔；待看中秋明月夜，九曲桥孔照影来。”
虽讲一直有去老城隍庙（豫园）白相，也去兜过N次九曲桥，就是没去过九曲桥旁边个豫园景点，一直要到1990年8月26日礼拜天侪去豫园景点白相，掰时花费15块铜钿买三张门票。【备注：掰时国家执行单休日政策，只休息礼拜天。】勒迭个前头从唻没去过，又是啥个原因呢？！主要原因有其二。第一个原因是：勒老城隍庙（豫园）里向，只有豫园景点是要收门票，其他地方覅收门票。第尼个原因是：因为吾家是双职工家庭，爷娘收入覅是邪气多，爷娘又是交关做人家，覅舍得去花铜钿，后末唻很有可能是家父想穿，所以就去白相。家母还打趣讲：“侬老爸'一直是一只铁公鸡一毛不拔’，今早太阳从西边出唻，也肯去拔一根毛！”……吾又为啥对于迭个日脚会记得迭能清爽呢？！只因家父陆吉良爱好摄影，勒豫园里向帮吾搭家母倪榴珍拍摄十几张照片，照片印出唻以后，并且还记录下拍摄个日脚！
“豫园”原先是明代一座私人园林，最初园主人是四川布政使潘允端，伊就是从（明嘉靖己未年）起（即公元1599年），勒潘家住宅世春堂西面个几畦菜田浪建造起园林。经过廿多年苦心经营，建成豫园。伊之所以会得取名“豫园”迭两个字，侪是伊认为，“豫”字拥有“平安”搭“安泰”个意思，还拥有“豫悦老亲”个意思。豫园就勒掰时占地达到70余亩，由明代造园名家张南阳设计，并亲自参与施工。古人还称赞豫园是“奇秀甲于东南”搭“东南名园冠”……
吾还记得就勒读小学两三年级个辰光，生过一种名叫“蛇缠腰”个皮肤病，每个礼拜侪要去杨浦区第尼军医大学看病，顶起码要看一个号头左右，有趟仔看病邪气快，毛病看好还有老长辰光，家父就讲带吾去乘55路公交车到老城隍庙（豫园）白相，还购买有五颜六色交关多个玻璃弹子，花费有两三块铜钿，心里面觉着交关幸福哩！
行文至此搁笔结束，因为吾搭那些土生土长个上海人一色似样个，也同样拥有老城隍庙（豫园）个情愫，从小到大，搭爷娘及友人也是去N趟老城隍庙（豫园），绝对是一个绕覅开个话题啊，所以就去撰写心目中个老城隍庙（豫园）、自家所晓得个老城隍庙（豫园）……
【备注：①：文章为作者原创；②：各种上海老城隍庙（豫园）图片、摆渡船图片、南京东路步行街图片、上海美食图片以及玻璃弹子图片侪是唻源于网络上头，最后两张图片乃是作者去翻拍自家个照片；③：万分感谢原创图片。】
杜老倌侠客居（陆伟）写于2019年10月17日礼拜四夜里向
联系客服
