穴疗30：老花眼

阿拉常常会感到眼睛会沙度，但又勿得勿继续上班对着电脑，下班看着手机；爷娘老了，看报纸看电视又邪气沙度，子女们又呒没办法；小囡呒没几岁，就成了近视眼，戴眼镜怕度数加深，勿戴又会影响学习......

中医讲拨阿拉听，其实迭眼眼睛问题，侪可以利用穴位按摩方法来舒缓和改善。只要阿拉捏一捏，就能轻松预防和改善近视眼、老花眼等眼睛问题，男女老少侪适用。

了中医经络学中，手腕搿搭有一个穴位就专门用来治疗老花眼为代表地各种老年毛病，迭个穴位叫养老穴。

寻穴位：养老穴位置了手腕搿搭，准确寻法是掌心向下，了手腕搿搭突起骨头最高点，然后弯肘掌心转向胸前，穴位恰好落了迭个突起骨头地缝隙内，搿搭便是养老穴。

功效：经常按摩养老穴，可以清头明目、充养阳气、舒筋活络，对老花眼、耳朵响耳朵聋、颈椎病、手指麻木、半身疯瘫、咽喉痛、肩胛痛等老年毛病，侪有勿错地治疗效果。

按摩方法：一般以指揉法为主，用手指指腹按了迭个穴位上，手腕搿搭放松，做柔和而有渗透力地摆动。每天早夜各指压15至30下就可以。一个疗程是一个号头，一般为三个疗程。通过反复指压穴位，从穴位疼痛到疼痛消失，眼睛毛病和一眼老年毛病，侪会慢慢得到缓解和改善，甚至康复。

了阿拉大指末头弯曲搿搭有三个穴位，分别是明眼穴、凤眼穴、大空骨穴。

寻穴位：迭三个穴位分别了大指末头关节地两边和当中，具体位置看上头图。

功效：明眼穴和凤眼穴，可以改善急性结膜炎，还可以抑制老年性白内障。

按摩方法：平常辰光，眼睛容易沙度地人，每天要刺激迭三个穴位，一天起码两趟。刺激方法是，用另一个手大指末头和食指夹牢，以大指末头指甲分别对迭三个穴位进行刺激，只要稍微感觉到疼痛程度地力气指压就可以了。

护眼：按摩眼睛旁边穴位，效果会更加明显。最佳选择是，攒竹穴和睛明穴。

寻穴位：攒竹穴位置了眉毛内侧凹陷搿搭，皱起眉头，见眉毛内侧隆起搿搭就是攒竹穴；睛明穴位置了眼睛内侧，内眼角稍微上头地凹陷搿搭。

功效：经常按摩攒竹穴，有疏肝、明目醒脑，改善头痛、头晕、眼睑跳动等功效，甚至对于面瘫，面孔肌肉抽筋，侪有好处；经常按摩睛明穴，可消除黑眼圈、可舒缓肩颈肌肉僵硬，预防头痛，提神醒脑。还可以缓解和治疗迎风流眼泪水、结膜炎、眼睛红肿痛、睑缘炎、眼睛沙度、眼部毛病、近视、夜盲、色盲等。还能舒缓急性腰痛，治疗偏头痛、三叉神经痛等效果。

按摩方法：按揉眼睛旁边两个穴位前头，要拨手汰清爽，以免眼睛感染。按摩力度要适中，以稍微感觉有酸痛就可以，以免用力太大，伤到眼球。