对于养生或者疗病来讲，每天压一歇歇肚脐眼，赛过吃补药。
方法邪气简单，只要用手指末头压了肚脐眼上头，勿需要进行任何揉动。根据自家适意程度调整，按压力度大小就可以了。如果感觉压了太紧，就放松一眼；如果觉得压了太松呒没感觉，就压重眼。按压辰光要平心静气，把意念集中了肚脐眼搿搭，数自家呼吸，数到100按压肚脐眼辰光就够了，每天按压一趟就可以了。
肚脐眼搿搭是穴位，叫神阙穴，了任脉上头。阙迭个字，从解释上来讲，是宫城地门，里厢登地是皇帝，神阙就是元神地门户。民国辰光有本针灸奇书叫会元针灸学，里厢写道：上则天部，下则地部，中为人部，两旁有气穴、肓俞，上有水分、下腕，下有胞门、横户，脐居正中，如门之阙，神通先天。爷娘相交而成胎辰光，先生脐带如荷茎，系于母之命门，天一生水而生肾，状如未敷莲花，顺五行以相生，赖母气以相转，十月满胎，则神注入脐中而成人，故名神阙。
神阙穴为啥有对健康好地效果？阿拉侪晓得，脐带是小毛头从娘胎里厢吸取营养地唯一通道，是胎儿身上最早长出来地物事。有了脐带，然后再生肾，肾是水脏，所以是天一生水，是人体生长地开端。小毛头生下来后，迭条吸收营养通道就关脱了。而按压肚脐眼，等于重新启用迭条通道。只勿过，迭个辰光小囡勿再是从母体吸取营养，而是从生命源头上激发自身地潜能，作用就是激发人体地元神和元气。
所谓元神和元气，是指人了生命开端埃一刻就有神和气，迭个力道是邪气大地，勿然勿能发育成胎儿地生命。元神和元气一直伴随人走完生命地全程，而邪气多毛病侪来源于元气地衰弱。比如，精神萎靡勿振，男女性功能勿调，肠胃功能衰退以及由气虚、气陷引起内脏下垂、脱肛、子宫垂脱等，迭眼毛病侪是慢性地，甚至可能伴随人一辈子。如果侬能重新激活元气和元神，身上邪气多毛病侪有可能治好。
要激发元气和元神，就要到伊拉登地方去寻到伊拉，迭个地方就是肚脐眼，老底子人十分重视用肚脐眼来养生和治病。肚脐眼迭个穴位可以艾灸但勿能针灸，老底子医生碰到有人中风勿来讪辰光，总会利用肚脐眼迭个穴位艾灸，甚至灸到100壮乃至几百壮。有个名医叫陈良甫，伊讲：旧传有人年老而面孔如儿童者，盖每岁以鼠粪艾灸肚脐眼中神阙穴一壮；又如长久肚皮射，一夕艾灸37壮，次日就勿去厕所了；又如左手脚呒没力气，偶灸马上好。从迭眼闲话里厢讲拨阿拉听，艾灸肚脐眼里厢地神阙穴，可以延缓衰老，治疗慢性肚皮射，还可以治疗手脚呒没力气。
迭个艾灸方法邪气简单，只要侬了肚脐眼上头拿艾绒捏成一个堆柱，了堆柱上头点火，艾绒就会点燃，等燃烧到肚脐眼有眼疼痛辰光，马上用手把艾绒按灭，迭个就算一壮。如果要灸100壮就要重复上头动作100趟。有辰光，还可以了艾绒底下垫一片薄生姜，迭能样子可以保护肚脐眼周围皮肤。垫生姜既可保护皮肤，啊可以用辛温之气进入人体，效果会更加好。所以，大家如果要艾灸肚脐眼，建议最好垫一片生姜。更加简单可以直接到中药房买清艾条，点燃后了肚脐眼周围熏烤。坚持艾灸，勿久，侬会发现身体变得邪气适意。就如中医灸疗里厢一句口诀：常灸神阙穴，万病自会灭。
如果以上艾灸实在弄勿来，用手按压肚脐眼迭个方法，啊邪气简单，效果啊蛮好。虽然用手按压肚脐眼简单，但每一个步骤侪是有眼学问地。按压肚脐眼辰光为啥要把意念集中了肚脐眼里厢神阙穴上呢？人意念其实就是神，就是神药，属于心神。平常辰光，阿拉忙于身边地工作和生活，心神侪是散乱地，元气元神就了迭种散乱状态中勿断耗散。按压肚脐眼辰光，就要把心神收拢来，让伊回到肚脐眼里厢地神阙穴搿搭，因为搿搭才是伊地故乡。如此元气、元神了呒没耗散地状态下，才能把侬需要地物事激发出来。有人啊许会讲，呒没办法集中意念，总是瞎想拨想哪能办？其实是有办法地，当侬了按压肚脐眼辰光，可以默数自家呼吸，意念自然就慢慢集中了。所以，阿拉了按压肚脐眼辰光，尽量以呼吸计辰光。就了迭个一呼一吸之间，阿拉身体里厢地元气会慢慢升起，充溢到筋骨、肌肉、经络和五脏六腑之中。
联系客服
