上海老底子每天呈送精彩文章一组
打开尘封的记忆,寻觅往昔的岁月
叙上海老底子事 忆上海老底子人
诉上海老底子情
勿讲上海闲话
是啥人错
来源:more 城读
原创:董鸣亭
沪语改写:史素瑛
诵读:姚琳
审阅、推荐:丁迪蒙
编辑:王乙其
(上)
(下)
方言特色
地方语言是中国人个特色,晓得伐?中国个地方语言当中最让人听勿懂个是啥地方个语言?
假使我搭侬讲是温州闲话,侬会得哪能想?
搿让人想起温州人是炒房团,中国个房地产就是伊拉炒起来个。但是温州人邪气牛,伊拉勿但炒房子,而且勒勒越南战场浪,温州闲话起到了军事作用。
据说,勒伊趟对越自卫战当中,由于越南人对中国个语言掌握得邪气好,以至于勒勒通信当中,中国军事浪向个情报全部拨越方破解。哪能办?大家就想到了浙江温州人。伊拉讲个温州闲话拨外乡人称为“瘟话”。意思是啥人也听勿懂,搿就叫温州兵来当通信员。真个呀,战场浪调了温州兵之后,越南情报部门变成功聋彭搭仔瞎子。
大家想想看,假使呒没当时个温州方言,假使大家侪只会得讲普通话,葛末勒对越自卫战当中又有得多少战士要献出年轻个生命呢?
所以讲,保护地方语言是每个地方人士个责任,而学会一个地方语言,也是侬生活搭仔工作个需要。
覅忘记脱西方个一句谚语:工作勒啥地方,侬个屋里就在啥地方。勿管侬生勒阿里个国家,只要侬是勒为搿只城市贡献侬个一份力量,葛末,侬就是搿只城市当中个一份子。同样,勿管侬生勒阿里只城市,只要侬是勒为搿只城市贡献一份力量,侬就是搿只城市个一份子。
搿一份子勿是讲侬勒搿只城市应该得到点啥,而是对搿只城市侬学到了点啥?融会了伐?贡献点啥?
包容乃大
我勿是个狭隘个上海人,朋友甚至遍布全国各地,哪怕是勒上海搿块我最熟悉个土地浪,只要有人开口搭我讲个是普通闲话,我也绝对用普通闲话搭伊拉去交流。
但是,毕竟我是上海人,邪气爱搿只城市,爱上海个文化,包括上海个饮食文化结构、生活习惯,还有充满人情味道个上海闲话。
假使,上海人对伊些外来人员侪讲上海闲话,我想伊拉也勒搿种情况下头被迫学会讲上海闲话了,就像当初移民到上海来个五湖四海个人,现在已经是道道地地个上海人一样。
上海是阿拉上海人个家乡,阿拉有得交关自家个语言搭仔文化,阿拉有自家个儿歌,自家个游戏,现在,想起伊些陪伴阿拉成长个歌谣,就像一首首美妙个诗篇,回荡勒勒每个上海人个心里向。
小辰光,我上海闲话也讲勿好,因为家里人勒一道侪是讲宁波闲话,吃饭叫羹饭,刷牙叫刷鹅子,枕头叫斤头,姓张个叫蒋,最有意思个是我有个表弟叫张经国,伊就一日到夜搭人家讲:我叫蒋经国,牛伐?伊就凭搿个张字,到处叫我是蒋经国,后来,差点拨国家安全局叫得去……
尾声
现在,上海已经进入了一个新个移民高潮,可以讲是人才大量涌进,人才应该会得掌握各种语言,除脱仔英文、普通闲话,还有侬个家乡话。
假使,勒一个侬将要生活工作个城市,连搿个城市个闲话也讲勿来,葛勿只是属于侬个悲哀,也是搿只城市个悲哀,因为,只要再过十多年,语言呒没得到发展搭仔保护,就会得断层,就会得消失了。
我想,每个热爱上海个人侪应该保护好上海闲话,勿讲上海闲话,就是上海人个错,勿学上海话,也是上海人个错,千错万错就是错勒勿肯学习浪。
作者:董鸣亭 (原《上海经济时报》《新闻报》《新闻晨报》记者,后辞职去日本。回来后,一直从事文化宣传工作。)
诵读:姚琳
丁迪蒙
迪蒙,启迪蒙昧者也。上海市人。原上海大学中文系教师,多年来一直致力于沪语和海派文化的传承。
沪语是吴方言的代表方言,是吴侬软语的典范。她既可以用来拉家常,也同样可以用来朗读各类诗歌散文。
沪语完全可以书写,同粤语可以写作是一样的。本平台所有文章都是经过改写后,用沪语来演绎的,汉字书写也是正确的。
丁迪蒙所撰写的,与沪语相关的著作主要有:
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》,少儿出版社。
转自:“启迪心田沪语”公众号
我知道你在看哟~
联系客服