老上海个故事
文章来源:网络
沪语讲述:和沁
点击回读
(第七章)
点击下方收听音频,时长6分58秒。
到了大厅门口,伊示意小菊先下去。然后整了整衣裳,撸了撸高高盘起个头发。伊勿能拨张子轩退招势,更加勿能拨自家呒没落场势。伊走了进去,看见一个女人立勒盖大厅里,着一身黑颜色粗尼旗袍,背对牢伊,猜得出来伊是来搭丈夫哭丧个。看勒海迭个身材勿如自家个女人,伊有眼难过,为自家个丈夫难过。
“请问,侬寻啥人啊!”有眼嗲,替子轩嗲个。伊个女人转过身来,蛮素雅个一只面孔,看勿出一眼眼夜总汇个乌烟瘴气。眉头微微朝上挑起来,一张蛮让人爱怜个面孔。讲老实闲话,伊真个老漂亮个,像煞是一幅油画高头硬劲攃下来个面孔,带勒一眼优雅,真个看勿出来伊是个舞女。“侬是少奶奶伐,我是子轩个……”
她讲得老慢,每个字侪有伊个落脚点,讲到子轩,女人个眉头又朝上挑起,哀哀个停了一歇。“我是子轩个情人。”女人拿“情人”两个字讲得老老轻,但伊还是听真切个。伊坐下来,并呒没示意让迭个女人坐下来,至少搿能伊心里会得好过点。
“其实,是勒盖侬搭伊结婚之前,我就跟伊……㑚结婚之后,我劝过伊覅再来寻我了,但是伊……”到后来女人个闲话侪带了眼哭腔,迭个女人是有伊吸引眼人个地方个,至少呒没一个舞女会得像她迭能介有气质,勿会有一个舞女能够像伊迭能勿像舞女。伊整个人摊坐勒盖沙发高头,伊个女人还是立勒盖。伊细细叫打量迭个女人,面孔高头呒没塌粉,但还是老白个,一种死样坏气个白。
人蛮瘦,一眼也撑勿起来搿件旗袍。“你来寻我有啥事体呢?”伊讲得冷冰冰。“就是讲搿点物事?用勿着了,我先生已经过世,伊啥也勿欠侬个!”
“我,我没迭个意思,我是讲,我是讲……”女人想讲眼啥,又呒没讲下去。伊立起来,本来是想拨迭个女人一记耳光个,但自家到底也是个少奶奶,打底下人还怕弄龌龊自家个手唻,更何况是迭个女人呢?“有闲话就讲。”
伊个语气还是呒没一眼眼温度。“我可以求少奶奶一桩事体伐?少奶奶,侬就看勒子轩个份高头,可怜可怜我迭个苦命个女人伐。”要钞票,是钞票是伐?侬要了我个男人,要了我个幸福,还有面孔来要钞票?
伊真个老讨厌眼门前迭个女人,看牢伊哭出乌拉个面孔,真个想一脚头踏上去,拿伊踏扁脱,踏得煞煞平。就是搿张妖怪精面孔拿自家活生生个幸福侪搞僵脱了,侬哪能就勿可怜可怜我呢?伊又坐下来,心里头个怨气一趟趟个敲勒自家个胸口,想冲出来,又拨自家压了下去。
“少奶奶,我晓得我自家呒没多少辰光活头了,我也晓得是我毁脱了侬个幸福,子轩个死,是我个错啊。我勿应该,我勿应该……老天是勒惩罚我呀,老天爷啊!”伊个女人扑嗵一声跪勒伊个面前,伊开始一记头呒没了方向,马上立起来。哪能了啦?伊要死了,难道还有啥个事体伐?是自家错看伊了?
“小菊,小菊!”“少奶奶,有啥吩咐?”“去倒杯茶来!”伊心里开始作孽起迭个女人来,伊拿迭女人扶到沙发高头,迭个夺走自家男人个女人,迭个自家本应该恨透了个女人。
(未完待续)
沪语讲述:和沁
图:网络 / 编辑:渺渺
转自:“上海言话讲起来”公众号
联系客服