上海老底子每天呈送精彩文章一组
打开尘封的记忆，寻觅往昔的岁月
叙上海老底子事 忆上海老底子人
诉上海老底子情
“穷灶前，富水缸”
来源：新民晚报
作者：褚半农
沪语改写：丁曙立
讲述: 陈飞
审阅、推荐：丁迪蒙
编辑：王乙其
我个一篇拙文《灶前灶后》勒“夜光杯”发表以后，接连有读者勒“夜光杯”浪继续讨论迭篇文章，其中李宗益先生《“灶前灶后”之我见》对“灶前”提出了勿同个看法，搿表明百姓对“飞”到屋里个夜报关心有加，阅读认真，是桩好事体。
其实，对“灶前”个理解，李宗益个文章搭我个并呒没实质性个差别，伊讲个是称“灶前头”个。实际浪我个文章里向也特别点到了“灶前”也叫“灶前头”，并引了胡祖德著作中个书证。
迭搭再引一次原文：“'灶前’另有个说法是'灶前头’，民国初期浦东人胡祖德收集的《看潮歌》中有例句：'某人烧火常坐灶前头……’”（《沪谚外编》），勿晓得李先生是否看到了迭个一句。
至于拿伊母亲所讲个写成“灶掩头”，搿是方言中个异形词，也叫语转词，意思是读音稍有变化，写出来就变成功另外一个词了。譬如青菜，勒农村一直叫“藏菜”，明代起就有文献记载，我伲搿搭至今还是迭能讲个。但是，勒实际使用当中，上海及苏南地区因方音个关系，出现了勿止一个异形词、语转词，譬如有上菜、常菜、塘菜咾啥。仔细分析就会得发现，伊拉侪是从“藏菜”迭根藤浪向“长”出来个，而“灶掩头”明显也是从“灶前头”浪来个。
搿种现象勒方言当中一直存在个，只不过现在特别多一眼。有拼音字母正音个普通闲话，各地发音还勿能完全一样，出现了“沪普”“川普”等，方言当中因发音差别而出现异形词、语转词也是勿足为奇个。
李先生还讲到伊两个做泥水匠个儿子，每砌好一座灶头，最后总归欢喜勒灶墙侧面写两个字，写得最多个内容是副对联：“缸中多积水，灶后少堆柴”。我勿是泥水匠，也呒没砌过灶头，但是搿10字对联我齐巧也写过好几趟，总共写过多少趟？记勿清了，但肯定勿止一两次，有搭自家写个，也有搭别人家写个。人家个灶头叫我去写，原因是还要我画灶花。
我写个迭副对联，同样是搿10个字，但搭李先生讲个有眼勿一样，是“缸中多积水，灶前少堆柴”。假使我真要写成功“灶后少堆柴”，估计东家要骂我了。还是引用清末民初胡祖德勒《沪谚》中收集个俗语来说明伐：“穷灶前，富水缸。预防火患。”（卷上）“富水缸”就是“缸中多积水”，而“穷灶前”，勿就是“灶前少堆柴”嘛？
自明清、民国以来，我伲个祖先连续提供了介许多个“灶前（头）”文献书证，除文章引用个以外，我个电脑库里还存有勿少例句，表明搿是一个方言常用词，而且是流传有序，记录有文，也是可以作为“呈堂供证”个证据个。至于现在出现搭仔使用变化了个词语，原因邪气多，例证也邪气多，灶头用词另外也还有几个，当然，搿是另外一只话题搭仔研究课题了。
讲述: 陈飞
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：“启迪心田沪语”公众号
联系客服
