年初一至年初七的禁忌，唔好话我无讲你知啦！

相信大家都听过：

年廿六，洗福碌；年廿七，洗疚疾，

年廿八，洗邋遢；年廿九，洗箩柚。

呢D年前应该要知道的俗语

不过大家知唔知

年初一到年初七的禁忌

今日就等小编讲俾大家知

应该要注意D咩啦

▼

年三十晚 （卖懒）

“卖懒，卖懒，卖到年卅晚，过咗年就大个仔唔好再学懒啰……”呢首童谣仲有几多人记得？卖懒即係寓意将小朋友嘅懒惰卖掉，新嘅一年聪明乖巧。

正月初一 （忌洗衣服）

细细个老人家就教落，大年初一早上系忌洗澡、洗头、洗衣物嘅，如果唔系就会将你呢一年嘅财富同财运洗走。

正月初二 （宜放生）

旧时大年初二清早，天未光，小贩就会担住两大桶活生生嘅鲤鱼，穿街过巷，大声呼叫：“好生鲤，大生鲤，金银鲤……”就係可以畀街坊喺食过开年饭之后，放生鲤鱼，祈祷生意兴旺，人口平安。

正月初三 （不宜出门拜年）

每年嘅农历正月初三係俗称嘅“赤口”，相传喺呢一日，“熛怒之神”赤狗会带来不吉，所以呢一日各人都唔会外出向亲友拜年，只留喺屋企祭祀神明，以免同人发生口角争执，招惹口舌是非。

正月初四 （不宜出远门）

初四係民间习俗嘅接神日，迎接众神明、灶王爷同家神到家守护家人，灶王爷会点名，所以不宜外出。

正月初五 （接财神）

正月初五就系你地最中意嘅财神爷生日，亦都系财神爷最为“风光”嘅时候。所以系呢一日，发财嘅朋友，都会迎财神。

正月初六 （送穷神）

而喺年初六呢一日，就要将过年期间所制造嘅垃圾清扫干净，即係所谓嘅“送穷”，系古代民间一种好有特色嘅岁时风俗，如果唔清理干净，就会带嚟穷困。

正月初七 （人日）

初七就系人日，意思系人人生日。呢一日传统习俗要食用七种菜做成嘅羹，以此来取吉兆，据闻呢个七宝羹有去除邪气、医治百病嘅功能~

拜年时唔好讲错嘢啦

除此之外，广州人好中意讲究好意头

有D粤语真系唔可以乱咁讲

▽

“蚀”=亏，唔讲得！

“母”=无，唔讲得！

“空”=凶，唔讲到得！

“干”=无钱，唔讲得！

“苦”=辛苦，唔讲得！

“伞”=散，唔讲得！

“血”=唔好嘅寓意，唔讲得！

以上呢几个习俗

虽然好多年轻人已经唔知道有呢回事

其实我地对春节习俗咁讲究

无非都系想过得安心D

只要你把嘴够甜，去边拜年都唔使惊啦！