弹唱:温彩芳
嬲等唱歌乐开花,唱首山歌送大家,毛岭农场全来到,赞赞涯兜妇女麻,希望大家听春车。
一赞咁多妇人家,客家汝人唔会差,客家女人性情好,为人处事几春车,上邻下舍人赞夸。
二赞咁多女人侪,晓划晓算系做家,田头地尾样样晓,养鸡养鹅养鸭麻,家里收入也唔差。
三赞咁多妇女麻,客家汝人晓顾家,唔怕辛苦唔怕累,日出做到日头斜,汗水做到四流下。
四赞咁多妇人家,性情温柔人赞夸,贤良孝顺都做到,家公家婆当衷爷,全家开心笑哈哈。
五赞咁多妇人家,汝人做事也唔差,几多女人能力大,生意兴隆顶呱呱,又买奔驰买宝马。
六赞咁多妇人侪,汝人十八一朵花,如今叶黄花又谢,行路都像弓背虾,为儿为女身累挎。
七赞咁多汝人侪,真情真意性唔野,嫁鸡随嫁狗随狗,邪眼唔看别人侪,夫妻和睦共特家。
八赞咁多妇人家,十分体惜老公侪,看到老公做辛苦,瘦肉来煮猪肝花,补到老公赛俊马。
九赞咁多女人家,热情大方人人夸,上邻下舍常坐嬲,亲朋好友有上下,滚水泡茶开心花。
十赞咁多女人家,莫嫌女人三八麻,世界几多女强手,做事唔比男人差,金奖银金敢拿下。
十赞歌里渐停下,王婆卖瓜系自夸,讲话有真也有假,女人有好也有差,自家做好开心花。
联系客服