【上海话朗读】半生已过，学会沉默

半生已过，学会沉默

上海话朗读

改编：丁迪蒙

朗读：朱友好

半生已过，学会沉默 来自上海老底子 03:02

半生已过，走走停停，看透了人，看透了事，看透了人心，看透了生活；半生已过，学会了沉默，看穿勿拆穿，面子浪好过，看透勿讲透，凡事自家去受。

沉默是一个人个狂欢，安安静静个蹲勒属于自家个角落里，别人个言话听听就罢了，勿讲、勿问、勿掺合；沉默是一个人个孤单，让心静下来，让嘴巴勿多言。沉默个辰光，反思自家个不足，闭好嘴巴，减少矛盾搭仔冲突。

半生已过，该经历个已经经历了，该遭遇个已经遭遇了，该明白个应该明白了，勿再是戆搭搭个少年，勿懂得看人个面色，谨言慎行，讲言话要得罪人，要拨人讨厌。

交关辰光，我伲说话留分寸，勿是看勿懂，看勿透，看勿清，而是勿想拆穿，勿想点明。说话留分寸，就是与人和善。

交关辰光，我伲拨别人留有余地，勿想斤斤计较，勿想争论不休，伊能介会得伤感情，伤和气。拨人留有余地，就是拨人留下了情面。

活勒搿个世界浪，学会讲言话只需要一年，学会闭牢嘴巴却是要一生。讲言话是种本能，闭牢嘴巴则是种修行，沉默是一种聪明。勿该讲个勿讲，勿该问个勿问，看懂了勿讲，看透了勿讲，再是聪明人个选择。

有过多少次，因为多讲吃了亏，因为嘴巴快得罪了人。人啊，一定要学会沉默。对自家来讲，搿个是种修养，对人家来讲，是一种美德！

❖朗读者朱友好老师近照

来源：微信公众号《吳越小豬》

本站仅提供存储服务，所有内容均由用户发布，如发现有害或侵权内容，请点击举报。