原文：沈嘉碌
改编：丁迪蒙
朗读：倪云华
前几日关于姥姥搭仔外婆个一段文字，我是随手一写，没想到会引起大家的关注与转发，在此谢谢各位！
群众认为：搿个是由教委某些人滥用了公权力，对人民群众使用了千百年个方言个一次肆意践踏，更加严重个是，辣小囡个话语体系当中，“外婆”搿个一词语个拨驱逐，必定会得造成市民语言生态环境个改变，搿个勿仅仅是亲属间称谓个问题。
改革开放四十多年，上海取得了巨大个建设成就，但也付出了沉重个代价，我伲失去了石库门弄堂，失去了百年个老洋房，失去了咳吐与闻个邻里关系，失去了转弯角子浪个烟纸店、老虎灶、澡堂，失去了熟悉个街道搭仔祥和个公园，失去了可以远眺个地平线，失去了国有企业与员工个伊种互相依存个关系，失去了相互信赖个买卖关系，失去了对技术工人与手艺人足够个尊重……
搿眼问题勿止是辣上海存在，但辣辣上海发生，搿个问题就勿寻常了。更宏观个背景在于，上海人引以为自豪个大工业、大生产、大动员，以及作为“共和国长子”对国家财政个巨大贡献，侪发生了令人邪气沮丧个变化。
随辣城市改造个推进，我伲个居住条件得到了一定个改善，但基本浪向侪背上了沉重个债务——一百多年来，上海人个信用指数领先全国，每个人侪是以欠债为耻的，而且侪边缘化了。是个，我伲失去了交关，而且基本浪向侪是金钱无法抵偿个精神浪向个损失，所以，“姥姥代替外婆”搿个偷鸡摸狗个小动作再会导致沸反盈天，要拿我伲个外婆夺走？是可忍，孰不可忍个！
或许，有人会得讲：用“姥姥”代替“外婆”，搿个是一种使用范围更大个方言代替另外一种使用范围比较小个方言，勿值得大惊小怪个。我勿搿能认为，我觉着每一种方言，代表个是一种地域文化。地域文化或许呒没所谓个高下之分，是各有特色，各有合理性个，但伊还有独特个历史价值，对应了独特个空间搭仔族群。方言，其实是一种密码，使用啥个方言，就意味着搿个部分民众是哪能流变个，是哪能介个一个群体，伊拉可能走向阿里！
搿个其实也是人类生存最基本的哲学命题。
上海方言是吴方言个一种。上海是座移民城市，开埠后一百多年来个多次移民大潮，造就了大上海。进入上海个大多数人来自江浙两省，还有部分来自南方各省，从淮河以北来个移民邪气少。搿个是一个基本个认知，勿了解搿个一点，就呒没资格谈论上海。
所以，辣上海市民个家庭关系当中，只有“外婆”，极少会得有“姥姥”。假使用“姥姥”来代替“外婆”，就等于篡改了上海个文化基因。
事体就是搿能！
改革开放以后，来自北方个移民队伍空前个扩大，甚至形成了一种强势，对此，我邪气愿意拨出正面个评估。但是，北方移民侬也应该尊重尊重本土文化好伐？俗话讲得好：强龙勿压地头蛇。上海人勿会有意识个去做条地头蛇，但肯定会反感破坏一切章法个强龙。比方讲，侬啥体要通过基础教育个途径让上海个小囡拿“外婆”叫成功“姥姥”呢？
外婆邪气生气个！
辣“姥姥代替外婆”搿起事件当中，受伤害个勿仅仅是作为教育对象个小囡，勿仅仅是一般意义浪向个上海市民，还有一个特定个对象，搿个就是外婆。
辣上海人个语言体系当中，外婆是勤劳、温柔、善良、优雅、重人伦、讲规矩、举止有度、春风化雨个化身，辣现实生活当中，啥人呒没一个切实存在、或者永远活辣美好想象中个外婆？我伲拿一切美好个愿望，一切美好个德行，一切美好个终结侪落实辣辣外婆个身浪，外婆是我伲最后个港湾。
现在，一个陌生个、强势个、喘着粗气个姥姥来了，要代替我伲亲爱个、温良恭俭让个外婆，勿搭侬急，搭啥人去急呢？
当然，侬也可以讲，北方个姥姥同样是中华民族优良品质个化身，勤劳、勇敢、忍让、坚毅、善良……没错，上海市民承认搿个一点，我伲从小看过《苦菜花》《地道战》《红灯记》，晓得姥姥搭外婆一样，是可以依靠、可以撒娇、可以从伊身浪吃到最后一口食物个大好人。但是辣上海，我伲从小没跟姥姥吃辣一道过。侬要是举办一个中华老年妇女美好形象大奖赛，我伲一票拨外婆，一票拨姥姥。我伲上海人有搿个胸怀个，但是侬勿能拿手浪向个票全部投拨姥姥！
肆意篡改教科书个某些人，侬欠上海外婆一个道歉！
来源：吳越小豬
联系客服
