申曲《斩六段》(1942)
唱词来源于中国沪剧网,感谢最初整理唱词的网友
娘娘厨房烧夜凳,吾想娘娘三样素来四样荤,
烧夜凳:待考。只听说有烧火凳,上海和松江都说,一种小凳子,烧火时的坐具。
烧酒葱姜蜜林盆,要碗是碗来盆是盆,
蜜林盆:待考
一盘拿仔往里行,将长生盘弄竄将过,
推进房门往里行,夜饭摆垃梳妆桌,
吾要启口上前叫情人,阿哥啊,辰光勿早哉,
咦,噢,睏着哉,昨日在吾房里谈谈讲讲一夜天勿曾睏,
喊来响点,阿哥啊,娘家情人,三年前头老朋友,咦,噢,侬垃板面孔哉是哇,侬格老小囡脾气,
惹气来,让吾拿帐子捞起来,噢,冒被头睏,
惹气:讨厌
冒被头:头钻在被子里睡觉(郊县常用)
拿被头孝(提手旁 孝)起来,
[扌孝],疑[扌枭]:掀起
啊……啊呀,吾一见情人魂飞散,
吾哪能叫死叫煞叫勿应,头搭肩架两分离,
叫死叫煞叫勿应:强调反复地叫唤以后不回应(郊县常用)
急得吾目定口呆侬呆瞪瞪,情人呀,
目定口呆:待考
侬鲜龙活跳到吾房间里,
鲜龙活跳:形容鱼虾等鲜活(郊县沿用)
哪能会片刻之间送侬命,此种非是大丈夫,
定然是一个懒小人,明枪交战勿搭侬敌,
暗箭伤人要侬命,吾娘家要到夫家地,
并没有冤家对头人,情人啊,
侬为仔吾妹妹要伤命,
侬只必过是死仔侬来害仔吾,
吾到今早一夜还好过,待等明朝大天明,
丈夫回家来晓得,吾有何面目见男人。
想悬梁高吊寻死路,奴死一身无足惜,
哥哥啊侬鬼门关浪等一等,吾搭侬阳间交情不能见,
情愿到阴间路上一家人,想娘娘是今朝就死到勿碍,
勿碍:没关系(郊县常用)
我想待等明早清晨,三倌走到房里,
男女一双一对死人,小叔勿垃家庭里,
急坏叔公年老人,三官年轻嘴勿紧,
定然声张别人听,外头沸沸扬扬全晓得,
小叔拉勿规矩,张家屋里遭人命,吾丈夫是常面头上在认识,
出入人前难做人,想娘娘临时还要出臭命
我是怪只怪,只怪侬冤家来害仔吾,但怪侬冤家真是害人精,害得我立身无地难做人,侬活害人来死害人,
什梗样子走来害煞吾,害伲夫妻伤感情,
什梗:这
告吾日常世久难做人,侬冤家呀,
日常世久:经年累月的意思 (郊县常用)
吾娘家是年幼无知勿晓得,
因为吾是情窦初开年纪轻,冲动私情一时昏。
侬这冤家呵,吾现在想着懊咾已经来不及,
吾说小妹已经有男人,吾伲丈夫张小叔伲夫妻大家多亲近,
因为我丈夫勿曾待错我,吾老早去邪要归正,
待错:亏待(郊县常用)
哪是冤家啊,侬今朝夜头要急煞吾,
我投河缺少三尺冰,上吊缺少绳一根,
进退两难无哪能,昨日夜里侬到房间里想缠绕吾,
呒哪恁:无可奈何,没有办法(郊县常用)
吾屡次相劝侬勿肯听,吾说到,夫家勿比娘家地,
娘家屋里勿要紧,现在妹妹有男人,
吾伲丈夫张小叔,文武双全件件能,
丈夫回家来晓得,两条性命都难保隐,
保隐:待考
吾是恨冤家一夜不肯动身走,侬话佬,
话佬:语气词,表示惊讶,竟然(郊县常用)
吾决不外头走风声,只有侬妹妹今朝应许吾,
若说妹妹勿相信,吾真咒厉厉罚给侬听,
侬说妹妹,吾只此一遭,不为下例,
吾下趟到侬房里缠绕不清,身分六段,
刮肉伴糠喂猪,啊呀君呀,
刮肉伴糠:待考
吾哪能晓得侬罚咒罚来能啥巧
罚咒:发誓(郊县沿用)
恁啥巧:待考
吾只怪侬罚咒勿小心,侬覅要怪勿妹妹心肠硬,只怪侬罚咒嗰辰光勿当心,让吾揩干眼泪忙走出,
到肉庄上东也看来西也寻,肉斧一把拿在手,
肉庄:肉铺(郊县沿用)
肉斧:砍肉的斧头(未见相关资料记录)
顺手拿一只小脚盆,行来走到房间里,
将他身体几段分,
哎呀,吾在娘家辰光鸡也勿曾杀过,
哪恁会杀人,本当伲私情往来有痛痒相关,
本当:本来,应当(金山朱泾沿用)
痛痒相关:待考
吾拿仔迪把斧头叫吾哪能斩得落,
干急高叫吾哪能斩得正,倘防尸首勿弄掉,
倘防:倘若(郊县常用)
丈夫回家吾难见人,只能够保全自家名誉也要紧,
拿良心狠一狠,啊呀,阿哥,吾想保留侬全尸,
为来为去吾要顾自家男人,保留吾自家名誉,
吾真正对侬勿起,到过歇再不动手等待何时,
真真:真是(郊县常用)
到过歇:待考
吾狠狠心肠将侬五刀分六段,
让吾拿肉一段一段刮干净,刮来刮仔侬嗰肉,
痛到痛仔吾嗰心,吾汗毛根根来竖起,
惊肉痱子啦淋淋恁,
筋肉痱子:鸡皮疙瘩(南汇彭镇等地沿用)
淋淋恁,可参见肉淋淋:见残忍景象而受惊害怕的感觉(郊县常用)
侬来嗰辰光满面荣华对吾笑,
现在精肉刮仔伦半盆,临死口眼闭勿紧,
伦+数词:表示大约,接近(郊县常用)
让我来拿搿细糠来淘好,吾推开两扇猪栅门,
猪栅门,可参见猪栅栏:猪圈的栅栏(郊县沿用)
到了猪掘里,挑两只猪猡吃一顿,
猪猡吃人肉有啥吃来吃去勿开心,
冷水拿仔一脚盆,房间里拿嗰踏板来挠起,
踏板:为防潮而在床前放的木踏板。
掯个泥田几尺深,拿侬尸骨来葬脱,
掯:挖。(郊县沿用)闵行七宝有“掯沟”表示“挖水沟”;奉贤江海有“掯尸挖骨”表示“挖空心思”。
哥哥呀,侬踏板下头太太平平,侬更饭吾来做,周年过节吾当心
羹饭:祭祀的饭菜(郊县常用)
周年:忌日
欢迎大家来信、评论,分享滩簧里的老上海话~
联系客服