各位听众大家好，今朝呢阿拉来介绍一下杨浦区个区划变迁。今朝个杨浦区境大致可以分为南北两个部分。北部是1980年代以后划入个五角场镇/五角场乡等地区，南部是划入迭些地区之前个杨浦区。
阿拉先来介绍南部地区，南部地区大部分辣辣唐朝天宝十年（公元751年）之后呢属于华亭县。公元1277年华亭县升为华亭府，次年改称松江府。此地属于松江府华亭县。公元1291年华亭县分出上海县，此地呢属于上海县。1927年上海设市以后，属于引翔区/租界地区等。1950年代以后属于榆林区/杨树浦区/江湾区等。经过区划调整，后属于杨浦区至今。
再来介绍北部地区，北部地区一部分辣辣南宋嘉定十年（公元1218年）以后属于嘉定县，公元1724年嘉定县分出宝山县以后属于宝山县。公元1667年起属于江苏省太仓州宝山县。此地呢因为太仓州成立了嘛，此地就划归太仓州。此地要介绍一下，太仓州呢原来是勿管辖嘉定县个，那么后首呢管辖了嘉定县。嘉定宝山分县之后呢，宝山县也伊管太仓州管辖了。北部地区个另外一部分辣辣唐朝天宝十年（公元751年）以后属于华亭县。公元1277年华亭县升为华亭府，次年改称松江府，属于松江府华亭县。公元1291年华亭县分出上海县，此地就属于上海县了。1927年上海设市以后，属于殷行区/江湾区/引翔区等。1950年代以后，属于上海市江湾区等。后首来呢属于上海市北郊区等。1958年江苏省宝山县划入上海市，原属于上海市北郊区搿地区并入上海市宝山县以及杨浦区等，后首来大部分并入上海市宝山县。1980年代以后陆续划入上海市杨浦区。
好了，今朝呢介绍个是杨浦区个区划变迁，谢谢大家。今朝个节目就到此地了，再会！
新浪微博：吴语学堂微博
你还可以通过以下方式联系我们：
投稿信箱| wugniu@126.com
联系客服
