广州人除左会早起叹番个“一盅两件”，
仲会晨运到各个老字号早餐店，
食番个靓靓即广式早餐。
今日我就带大家去行下各种老字号早餐店，
哩滴早餐店全部都系开左十几二十年，
分分钟仲大个你同我添！
林记粥品
海珠路人来人往即大街旁边，有一间十分之唔显眼即小食店，体个招牌就知道充满晒历史既痕迹，店入面副墙贴满晒报纸杂志既介绍同名人合照，名气十足！
店铺招牌就是咸煎饼同瘦肉粥啦！
林记特制既咸煎饼用南乳酱作香料，咸中带甜，饼既四周软中带韧，中间就煎到薄脆，带卑你双重口感滴感受！
地址：越秀区海珠南路157号
人均：15蚊
大德路肠粉
哩间十分之有名既小食店隐藏在内街，要入巷先至稳得到。细细一间店，只摆左几张台系街边，专门做D街坊生意，简单既店面同埋诚意滴作品，带有一阵浓浓滴市井味！
猪肠粉、糯米饭同粥系间店既主要产品。3蚊一份肠粉，物美价廉，浓郁既肉汁渗晒入D肠粉度，十分和味。一碗柴鱼花生粥材料充足，味道都唔错，都系只需3蚊！
地址：大德路256号（大德路工商银行右巷）
人均：10蚊
陈添记鱼皮
讲到陈添记，出名程度可能达到只要提到爽鱼皮，大家都会想起陈添记。店铺唔算太难稳，想吃要趁早，因为日日都会排晒长龙。
陈添记既鱼皮清爽弹牙，同时花生、香菜等配料又增加左口感，令到鱼皮带出淡淡既麻辣味。许多特登来食既人都觉得不虚此行！
地址：宝华路十五甫三巷内进第二档(香港六福珠宝正对面巷子)
人均：10蚊
合兴小食店
哩间系一间好出名既专门食濑粉既小食店，来到哩度食早餐既人十个有十个都会点濑粉，每日都人头涌涌，来晚左分分钟唔系想食就有得食。
一碗经历左几十个春秋既濑粉，连大哥大都变成ipone 7，但系佢都只系5蚊一碗。好食又便宜，真系唔可以错过！
地址：西华路第一津街44号
人均：5蚊
富记鱼蛋粉
哩间位于西村既鱼蛋粉，店面一体就知系街坊店，开左十几年依然屹立不倒，虽然地方简陋，夏天有风扇都系好热，但都唔妨碍周边既街坊成为佢地既回头客。
一份鱼蛋粉加料先至8蚊，满满一份鱼蛋粉，乜都齐晒。
地址：西村西湾东一街1号
人均：8蚊
三润面家
哩间店以传统粤式面为主，传统粤式面最讲究汤底，然之后系面同材料。哩间面既汤底浓郁，面亦做得劲道十足，十分推荐！
最传统既鲜肉云吞最为推介，可以将鲜肉云吞做好既面店屈指可数，而三润面家系其中一家。面质爽，有弹性，汤底浓而不重，云吞肉馅鲜美，真系回味无穷。
地址：中山七八路龙津东路705号
人均：10蚊
新联拉肠
广州既肠粉出晒名间间都掂，以下落来哩间就系掂之中既佼佼者啦！荔湾区既哩间店日日朝早就排晒大队，体来人人都想食个靓早餐窝！
新联既拉肠皮薄馅靓，每一层肠粉都薄到可以透光，层层夹住既馅料又新鲜又够足，一碟都食到人饱晒！
地址：荔湾区多宝路88号
人均：9蚊
吴财记
吴财记系许多80、90后心中小时候滴味道。位置开系巷入边一点都唔影响佢既生意，好多人都系专登过来。佢与对面既现代化购物中心，仿佛系两个世界。
吴财记既云吞冇虾仁亦冇蟹籽，有既系真材实料。大地鱼、猪骨、虾皮等材料熬制既秘制汤底，清甜冇味精，斋系饮汤都回味无穷。薄薄既一层外皮包住柔韧鲜美既肉馅，真系食过返寻味！
地址：荔湾区大同路84号和隆里20号(西城都荟东侧)
人均：10蚊
广州既老字号又点止敢少！
大家仲有乜好介绍记住留言卑我啦！
或者有乜想了解既美食，
都可以话卑美少女知！
老板说了
您点一个
小编工资涨五毛！
我就可以继续吃拉~
地震的时候什么地方最安全?
回复“06”便可知道答案
猜你想看：
坐2蚊鸡水巴，唔单止可以欣赏风景仲可以寻觅广州地道美食！爽到爆！
联系客服
