霸王餐!约嘅就系你~舌尖上既大西北深度游!新店开业日日大排长龙~
广州系一个好神奇既地方,就算你冇钱搭飞机火车,
都冇 叮当既随意门,
但你依然可以随心所欲咁环游世界,
游遍中国每一个角落,
而最令我哋南方人向往既,
一定系辽阔豪迈既大西北。
果度有险峻既高山,
有奔涌既黄河,
有一望无际既草原,
成群结队既牛羊,
古老四周之路上清脆既驼铃。
仲有一道道流传已久既美味,
而系广州就有一间小店,
静鸡鸡咁将传统大西北既美味带到广州,人未到舌尖先走!
——西行漫记。
哩一阵大西北既味道就藏身于天河五山路,比邻天河科技街,就系华师侧门斜对面,点解我读书时就冇d咁有特色既饭店系学校附近呢!一入门口最引人注意既就系每一面墙壁,都画满可爱壁画!老板好可爱,深知我哋d后生仔冇心机睇d又长又啰嗦既历史文摘,用色彩丰富形象又得戚既图画,将我哋瞬间带到十万八千里外既大西北!从一间小小既店铺当然冇办法将那个辽阔豪迈既地方演绎,但系老板都尽可能将更多既风土人情还原。仲有好当地多特色香料,都一一由图画展现,虽然未去过大西北,但我哋食过大西北!啦啦啦啦~唔系得我系甘谂噶!刚开业咋,就已经有一大半Fans日日准时嚟报到!场面轰动,一发不可收拾,而我咪就系比哩条长长既人龙吸引嚟噶囖!几乎日日都满座!究竟系点样既美味咁吸引佢地?!等我即刻嚟解开哩个谜题啦~手抓羊肉系西北民族罪中意传统食物,手抓羊肉,相传有成千年历史,因为原来系揾手抓住食而得名。简单烹调将羊肉既鲜美完全激发出黎,嫩滑得黎唔腻唔膻,好好味!哩道袈裟牛肉可能系全广州独一无二既菜式,起码我真系闻所未闻,用纯正牛腩肉,外面包裹一层鸡蛋皮制作而成,就好似系帮牛肉披左一层袈裟咁。番茄炖牛肉与其话系一道菜式,不如讲系西北人民系一道回忆,传统小铁锅制作既番茄牛肉,经历一代代人流传落黎,酸酸甜甜歌味道加上牛肉浓郁既甘香,就系哩种最简单平凡既味道最令人难以割舍!新疆既馕包肉有好多种,最传统既就梗系馕包羊肉啦!但西行漫记就选用辣子鸡作为灵魂,将港起锅既辣子鸡连汁连酱一起淋系切成几块既馕饼之上,酱汁既精华自然浸透馕饼,啖啖都咁销魂。羊肉串新疆菜既精髓,即点即烤,上台既时候仲系热到辣手,散发着类似奶香既浓郁肉味。表皮金黄酥脆,内里肉质鲜嫩,烤化既羊油兀自滋滋作响。蘸着孜然痛辣椒粉,一啖落去,香而不骚既热气冲击住每一条味觉神经,软嫩既口感混合着孜然既奇妙味道让人欲罢不能。和一般既酸菜鱼唔同,西行漫记用既系浆水菜,口感略酸,但胜在爽脆又开胃,好适合哩个季节食!食完大鱼大肉,再嚟一口爽脆,一筷子酸菜落肚,仿佛所有既油腻都系瞬间土崩瓦解!红艳艳既辣酱,散发住新鲜既酱香;凉粉入口爽滑、轻嚼即化,系最适合广州炎热夏天既美味!大热天时冇胃口,食啖凉粉降降温就最正啦!炒熟既新疆黄萝卜痛煮过既羊肉倒进煮到半熟既米饭中。米饭被羊油滋润,干香既同时带着油润,萝卜甘甜、羊肉软烂,一口一口根本停不下来。其实系咪应该揾手抓嚟食先够野味呢?一碗清汤牛肉面系好有讲究噶!首先要:一清二白三红四绿。哩一碗面,对于我哋嚟讲可能只系众多选择既其中一种食物,但对于兰州人嚟讲哩碗面已深入至灵魂之中,挥之不去用之不竭,佢地甚至无法想象无左清汤牛肉面既生活。你想唔想知道哩碗令到佢地魂牵梦萦既拉面系乜味道,即刻嚟西行漫记试试啦!讲起哩个牛奶鸡蛋醪糟,据说起源于临夏,后传入兰州,做得最好最具特色既都系回民,用铜锅煮牛奶,加入醪糟,放入各色干果,葡萄干,这东西不仅营养丰富,而且美容养颜,女仔千万唔好错过啦!估唔到系广州都可以食到甘正宗既味道!最后一定要来一份酸奶,口感柔滑到没朋友,原味发酵,吃之前放一些白糖,味道的层次感立刻就出来了,女孩子都爱!酸酸甜甜,麦芽咬起来筋筋的,口感跟酒酿的味儿挺像。大热天饮翻碗确实系神清气爽,听讲有解暑功效噶~我从来唔讲减肥,唔系因为我觉得自己身材有几咁标准,而系我感激每一位食店既老板大厨,将世界各地最地道最特色既美食带到嚟我哋广州!西行漫记,令到我一个从来未踏足过大西北既广州女仔,深深体验到果度既美味文化,人虽然仲系广州,但系舌尖已经嚟咗一趟西北深度游!
本站仅提供存储服务,所有内容均由用户发布,如发现有害或侵权内容,请
点击举报。