下头阿拉来听听医生个真心言话，伊叫纪小龙，主任医师、教授、博士生导师，全军解剖学组织胚胎专业委员会委员、全国抗癌协会淋巴瘤委员会委员、全国全军及北京市医疗事故鉴定委员会专家，每年辣辣病理会诊中解决疑难、关键诊断一千例以上。吾是做病理研究个，讲到病理学，老百姓了解得勿多。辣辣国外叫doctors doctor，就是医生个医生。因为阿拉每天做个生活，侪是拨医院里每一个科个医生回答问题。并勿是阿拉有啥特殊才能，而是阿拉侪有一台显微镜，可以放大一千倍，可以看到病人身体里细胞变成啥样子，可以从本质上来认得毛病。
我认为，最好个保健是顺其自然。勿要过分强调外因个作用，而是按照自家本身生命运动个规律，去做好每一天个事体。小囡、年轻人、中年人、老年人，各有各个规律，各有各个自然之道。有眼人侪辣辣吃保健品，保健品毫无作用。男人喜欢补肾，我勿明白伊为啥要补肾。男性个强壮和性能力，是由身体里个男性激素决定个，勿是用啥药物、吃啥食物能够补充个。
化妆品只能用作心理安慰，有眼人皮肤干燥，抹一眼润滑个保持水分，伊是可以个。但是想用化妆品变得年轻，今年20明年18，埃能侬就上当了。
皮肤个黑和白，决定于皮肤里黑色素细胞产生个色素多和少。吾去美国辰光专门考察过，黑人、白人皮肤里个黑色素细胞侪差勿多，差辣辣细胞产生个色素是多是少。侬以为抹眼药，就能让细胞产生个色素多一眼少一眼，搿是做勿到个。交关化妆品抹上去之后确实有效果，但伊勿是从根本上解决问题，等于刷了一层浆糊，侬个黑色素细胞是永远勿变个。
每个人皮肤侪有7层细胞，如果侬去做美容，磨脱3层，就像原来穿厚衣裳，看勿到里厢个血管，现磨薄了，血管个红色就明显了，看上去红润了，像抛光一样。所以侬做美容之后，会又红润又光亮，显得年轻了。勿过，人个细胞替补是有次数个，假如能替补50次，侬早早就消耗脱了，等侬老了，再想替补就呒没了。
还有运动，阿拉可以运动，但是勿能透支。任何运动形式侪有伊最佳频度和幅度，好比讲心跳，正常人1分钟跳70记，侬勿能让伊跳120记、150记，伊勿是最佳运动限度。运动辰光，勿能超过身体里厢细胞所能承受个限度。交关运动员侪勿长寿，因为伊个运动强度超过了应该承受个频度和幅度。就像洋蜡烛，燃烧得邪气旺，生命一定阿邪气快结束了。
阿拉讲，平时大家心跳是70记80记，勿过长年累月侪是迭种状态阿勿是好事体。如果侬每个礼拜有一趟或两趟，让心跳达到100甚至120(最好勿要超过150)，侬个血液加速流动，等于拨房间来了一趟大扫除。一个礼拜左右彻底清理一两趟，拨每个角落里个废物侪通过血液循环带走，有助于侬身体个代谢。
医生个诊断有三成是误诊，如果辣辣门诊看毛病，误诊率是百分之五十，如果侬住院，年轻医生看了，其他医生阿看了，大家阿查访、讨论了，该做个B超、CT、化验全做完了，误诊率是百分之三十。
人体是个邪气复杂个物事，每个医生侪希望手到病除，阿侪希望误诊率降到最低，但是再控制阿控制勿牢。只要当医生，呒没勿误诊个。小医生小错，大医生大错，新医生新错，老医生老错，因为大医生、老医生碰到个疑难病例阿多，搿是规律。中国个误诊和国外比起来，还低一眼。美国误诊率是百分之四十左右，英国误诊率是百分之五十左右。
阿拉应该正常看待误诊，误诊个原因是多方面个，太复杂，一时阿讲勿清爽，但是可以讲拨乃听一个原则：如果辣辣一家医院、拨一个医生诊断得了啥病，侬一定要征得第二家医院个核实，搿是最简单减少误诊个方法。
有一眼勿是误诊问题，比如讲脂肪肝，伊勿是毛病。辣辣20年前，勿管阿里本医学书里厢，侪勿会专门有迭个词儿，搿全是B超惹个祸。有了超声搿仪器，拨探头往侬肚皮上一摆：哦，侬是脂肪肝，迭个词就叫出来了。
吾专门研究过迭个问题，吾辣辣解剖之前，先拨超声科打电话，让伊拉推一台超声机到解剖室，辣辣打开病人肚皮之前超一下，看看有勿有脂肪肝，然后打开来验证。有辰光伊拉讲：呒没，打开一看，全是黄个脂肪，有个正好相反。所以超声诊断脂肪肝，是勿准确个。
身体里厢脂肪多，侬个肝脏里厢脂肪一定多，问题是脂肪多了，拨侬带来啥毛病呒没？阿拉做了邪气多个解剖，呒没发现一个肝脏硬化、肝脏损伤，是由于脂肪肝引起个。有人讲侬现是轻度脂肪肝、过两年变重度脂肪肝，然后就变肝硬化，最后是肝癌，讲迭能样子言话人呒没任何证据。
还有酒精肝，侪以为喝酒对肝损害邪气大。酒精叫乙醇，乙醇到了肝脏，辣辣伊搭分解，像剪刀一样，拨两个碳个分子剪断，最终产物是水和二氧化碳，二氧化碳呼出去，水尿出去。如果侬肝脏里厢侪是迭能样子个剪刀，侬吓喝酒做啥？关键勿是对肝损伤，肝细胞死脱了可以再生，关键是对神经细胞个伤害。人体里厢只有神经细胞是生下来多少个，一辈子侪勿会再增加一个，只会减少。喝酒每喝醉一趟，侪要死脱一批神经细胞。
吾对癌症个兴趣，从七十年代上学辰光就开始了，到现已经30多年。开始辰光充满幻想、充满激情。吾认为，拨所有辰光精力侪用来搞癌症，总能搞出名堂来。1978年第一届招收研究生，吾就直奔癌症去了。结果搞了老半天，发现原来是竹篮打水一场空。每个新方法一出，就去搞一阵子，最后一个个侪破灭了。
吾感觉最悲惨就是：送进来一个十几岁中学生，癌细胞已经全身转移扩散了，伊还勿明白，还想回去上学。吾去查房辰光，迭个小朋友就问：爷爷，吾啥辰光能够上学？吾哪能回答？如实讲拨伊听，面对搿幼小一个生命，吾哪能讲得出来，如果隐瞒，等迭个学生仔到最后阶段，就会晓得吾是辣辣讲假话，吾再去看伊，伊还能信任吾伐？
癌症中晚期辰光，侬去治疗癌细胞，想拨癌细胞杀死，迭个思路是错个。癌细胞是杀勿死个，侬勿要指望通过医学办法，来解决侬个癌症问题。埃能要用啥办法？吾打个比方：任何癌症，就像一个种子，侬身体就是一片土壤。迭个种子发芽勿发芽，长大勿长大，完全取决于土壤，而勿是取决于种子。种子再好，土壤勿适合，伊决勿会长出来。哪能改善搿土壤，搿是现研究个课题。
阿拉提倡健康体检，早期癌治好邪气简单，问题是哪能发现。傅彪最后阿到吾伊搭去看毛病，伊是肝癌。肝癌多数侪经历了乙肝、丙肝，然后是肝硬化，第三步到肝癌。细胞变成癌要5到10年。肝脏受到攻击，癌细胞1个变2个、2个变4个，像小芽发出来一样，然后一眼一眼长大。侬每过半年查一趟言话，决勿会长成两三公分个癌。只要提前治，辣辣两三公分之前，肝癌侪可以手到病除。
像傅彪迭能样子个案例，如果提前诊治，勿是老讲工作忙，是完全有办法挽回个。但是伊寻到吾辰光，已经呒没办法控制了。伊个肝脏切下来吾阿看到了，太晚了，勿可能再活下去。伊个辰光人家还骂吾讲：人家手术以后勿是好好个，侬哪能讲人家活勿长？
吾可以肯定伊活勿长，伊癌细胞像撒芝麻一样，辣辣肝脏里厢铺天盖地到处侪是，哪能活得长？有人讲换肝就可以了。癌细胞邪气聪明，肝癌细胞最适合生长环境是肝脏，肝脏里厢长满了，伊就跑到别个地方去了，等侬换了一个好肝，四面八方肝癌细胞侪回来了，呒没用场。
阿拉有责任早期发现肿瘤、早期治疗。如果是晚期，吾建议针对生存质量去努力，减轻痛苦，延长生命。针对晚期癌症治疗勿需要做，因为呒没用场。
作为医生，吾拨自家只能打20分。为啥？有三分之一个毛病，医生无能为力；有三分之一个毛病，是病人自家好个；医学，只能解决三分之一个毛病。而搿三分之一毛病，吾阿勿可能解决介许多，吾能打20分就邪气勿错了。
做医生介许多年，吾有一种感慨：医生永远是无奈个，因为伊每天侪面临着失败
